|
Brazil Taekwondo Stichting cu e prome fotoshoot pa e calender 2013 |
 |
 |
|
Tuesday, 17 July 2012 18:53 |
Den fin di siman Brazil Taekwondo Stichting su atletanan y miembronan a drenta naturalesa di Aruba pa asina cuminsa saca potret pa e calender 2013. Mirando cu sacamento di potret ta algo dificil, specialmente ora ta trata di mucha a dicidi di cuminsa trempan. Nos a saca mas cu 500 potret na unda cu ta wak cada potret ariba su mes pa asina determina cuanan ta bon.
E potretnan mester ta 100% bon pa asina wordo aproba door di e directiva, si no mester saca potret di nobo cual no ta algo facil sigur. E team di e fotoshoot ta wak delaster un cos cu mester ta bon pa e calender.
Esaki tabata e caso den fin di siman na unda cu mester a saca un potret di nobo cu no tabata bon. E siman aki lo sigui cu fotoshooting pa asina por tin varios potret pa despues por saca 14 pa e calender di 2013. E calender mester ta cla na luna di September pa asina por cuminsa subi caya cu esakinan. E meta mas grandi ta pa recauda fondo pa 2013 na unda cu nos ta bay biaha cu e atletanan den exterior. Brazil Taekwondo Stichting su team ta traha duro pa e Calender di 2013, ya cu esaki mester ta mas bunita cu esun di 2012. E atletanan ta central den e calender aki ya cu nan ta e futuro di mayan. Aki tin algun di e potretnan cu a wordo saca y cu naturalmente lo no bay ta den e calender.
 |
Mustra/Kita e formulario di comentario
