| Un siman exitoso pa cu nos Hobennan postivo di Aruba Organisa pa Fundacion Parlamento Hubenil Aruba |
 |
 |
| Tuesday, 17 July 2012 19:05 | ||||||
 Fundacion Parlamento Hubenil Aruba a tene su evento Summer Courses 2012, riba e dianan 10, 11, 12 y 13 di july 2012 unda cu nos a haya un reaccion sumamente grandi for di e hubentud di Aruba. Durante e siman nos a conta cu alrededor di 80 hoben pa dia pa 4 dia tras di otro cu a haya cursonan educativo y sigur hopi interactivo. Parlamento Hubenil kier a focus no solamente riba e parti di teoretico pero sigur tambe riba e parti practico(“learning by doing”). Cursonan tabata ; Liderazgo, Public speaking, Mi compromiso como Hoben cu Aruba y Debate. Y na final di e cursonan e participantenan a haya nan certificadonan di participacion na e cursonan.Facilitadornan cu a duna cursonan tawata srta. Daniela Hernandez(Minister Hubenil di Turismo), Sr. James v/d Linden(IPA), Sra. Sharisse Hoen-Daly( UA), Sra. Yolanda Richardson ( UA). Nos di Fundacion parlamento Hubenil Aruba kier a duna danki na Minister Hubenil di Educacion; Srta. Leanne Geerman cu su comite cu a traha duro pa e Summer Courses 2012. Un pabien na tur e hobennan positivo di Aruba cu a scoge pa tene nan mes super bon bezig den vakantie cu 4 dia di curso Parlamento Hubenil su Summercourses 2012. Un danki tambe na nos sponsernan pa cu Summer Courses 2012 : Universidad di Aruba, Hostaria di Vittorio, Tec, Tropical Bottling Co, Martijn Trading y G.P Cargo & Services N.V.
|
Mustra/Kita e formulario di comentario
