| Aruba Bank ta introduci “Aruba Bank Rewards” |
 |
 |
| Tuesday, 17 July 2012 19:26 |
 Aruba Bank ta orgulloso di anuncia su programa pa acumula punto, Aruba Bank Rewards, powered by Scorecard. Cu cada compra cu bo Visa Platinum, Visa Business of MasterCard Business bo ta acumula punto cu Aruba Bank Rewards. Bo por cambia bo puntonan online, pa biaha cu cualkier aerolinea, crusero, reserva hotel, huur auto of cumpra mercancia online. Bo ta acumula un punto pa cada US dollar cu bo cumpra cu bo tarheta di credito di Visa Platinum, Visa Business of MasterCard Business, cu exepcion di cash advance y transaccion na ATM. Awor bo por boek bo ticket cu cualkier aerolinea, sin blackout period, biaha rond mundo ora bo ta desea y mas barata. Bo por cambia bo puntonan online tambe pa biaha cu crusero, huur hotel of auto y asta cumpra mercancia, manera camera, articulonan pa haci deporte of articulonan pa cas. Tur cliente cu un tarheta di credito Visa Platinum, Visa Business of MasterCard Business di Aruba Bank por registra pa cuminsa acumula punto riba Aruba Bank Rewards. Djies bishita nos website www.arubabank.com, click riba e logo di Aruba Bank Rewards, cu ta link cu e pagina di ScoreCard, especialmente diseña pa nos clientenan. Registra y ricibi bo User ID y password y bo ta cla pa cuminsa acumula punto y disfruta di tur e beneficionan cu Aruba Bank Rewards ta ofrece bo manera: biaha ora bo ta desea sin ningun restriccion riba asiento ni quota, bo mes por boek ki ora cu bo ta desea for di unda cu bo ta, no tin mester di warda pa un operadora pa yama bo bek pa confirma. Pa boek bo biahenan of cumpra mercancia, bishita nos website www.arubabank.com, click riba Aruba Bank Rewards, sign in y scohe bo preferencia, sea bo ta boek ticket cu un aerolinea, crusero, huur hotel of auto of cumpra mercancia cu bo puntonan acumula. Clientenan cu tin Scorecard di Aruba Bank caba, automaticamente e puntonan acumula lo wordo pasa riba Aruba Bank Rewards. Pa aplica pa Aruba Bank su tarheta di credito Visa Platinum, Visa Business of MasterCard Business, bishita nos website www.arubabank.com of un di nos branchnan awe mes pa asina bo tambe por disfruta di e beneficionan di Aruba Bank Rewards. Pa mas informacion bishita un di nos branchnan of yama nos Call Center na 527 7700. |
Mustra/Kita e formulario di comentario
