|
Grupo di BONAI di bishita na Saba den kuadro di interkambio ku SABARC |
 |
 |
|
Tuesday, 17 July 2012 19:19 |
|
Djadumingu último ( 13 di ougùstùs) un grupo di studiante di enseñansa sekundario di S.G.B ku ta aktivo den proyektonan di BONAI a sali di pa Saba den kuadro di interkambio ku e grupo SABARC. SABARC ta para pa Saba Archaeological Centre i ta e sentro ekivalente na BONAI na Boneiru.
E studiantenan ta ehekutá proyekto ku ta hasi investigashon segun e prinsipio di siensia i nan ta presentá ku nan resultado pa komunidat tuma nota di esaki. Dor ku no tin konekshon di avion e mesun dia pa Saba e hóbennan di BONAI tambe lo sera konosí ku e grupo di hóbennan di St. Maarten ku ta SIMARC ku ta para pa Sint Maarten Archaeology Centre. E biahe pa Saba a bira realidat ku sosten di Prins Bernard Cultuurfonds ku ta stimulá inisiativa pa yuda hubentut desaroyá na mes den kuadro di desaroyo di komunidat, siensia i riba tereno kultural. Grupo di BONAI lo bai bishita diferente resultado di proyektonan ku SABARC i SIMARC a realisá. Fuera di fondo di Prins Bernard Cultuurfonds, BONAI por a realisá e interkambio ku fundraising ku e hóbennan mes a hasi manera labamentu di outo i bendementu di kuminda. E grupo di BONAI ta regresá Boneiru te ku djabièrnè. Riba e foto por tuma nota di e grupo di hóbennan di BONAI ku a bai Saba huntu ku nan lidernan Jackie Bernabela (SKAL) i Hubert Vis ku a bai bou di su guia na momento di despedida.
 |
Mustra/Kita e formulario di comentario
