| E di dos fase di Juwana Morto Complex kedando cla |
 |
 |
| Tuesday, 17 July 2012 19:28 |
|
Un di e promenan cu a bin na turno ta Yuwana Morto Complex. E prome fase di e proyecto aki a bira e modelo di un bario moderno di Aruba cu a keda presenta na Su Mahestad Reina Beatrix durante su bishita aña pasa na luna di October na Aruba. E prome fase di e renobacion a encera 12 cas cu a haya panelnan solar riba nan dak, como un proyecto piloto. ELMAR ta cumpra e coriente genera, dunando e habitantenan un reduccion riba nan cuenta mensual. E trabounan di renobacion pa e di dos fase cu a cuminsa mas o menos tres (3) luna pasa, ta finalisando, segun Chelito de Kort. Aki ta trata di 16 cas, di cua mita ta keda entrega otro siman y e resto despues. Esaki ta nifica cu pa fin di e luna aki, 28 cas di Yuwana Morto Complex a keda cla cu nan renobacion, mientras cu falta 24 mas cu ta bay keda cla prome cu fin di aña. E compleho ta conta cu 52 vivienda di un camber, baño, sala y cushina chikito. Cumpliendo cu peticion di e habitantenan, FCCA a logra agrega tambe un pida cura patras di e cas. E plan di Gabinete Mike Eman y FCCA ta encera renobacion tambe di e complehonan di Yara y Pos Chiquito cualnan mester bay destaho publico prome cu fin di aña. Renobacionnan no ta tumando luga solamente den barionan pero tambe den centronan di ciudad y edificionan di balor historico pa Aruba. Miyones di florin Gabinete Mike Eman ta invertiendo den e mas di 80 proyectonan cu tin andando na Aruba. |
Mustra/Kita e formulario di comentario
