| Premier Mike Eman trahando pa logra Pre Clerance pa Europa |
 |
 |
| Wednesday, 18 July 2012 08:23 | ||||||
 Premier Eman a wordo companja tambe pa Gevmin Edwin Abath, consehero Mito Croes y Cedric Tilma representante di Aruba na Bruselas den Union Europeo. Principalmente esnan cu ta biaha pa Hulanda lo tin esaki regla pasando Pre Clearance. E no ta done deal pero ta tratando di logra esaki. Premier Eman a yega di menciona algo luna pasa di e intencionnan pa logra e Pre Clearance aki. Pre clearance pa Merca ta un exito grandi te awe y hopi pais rond di Aruba kier haye tambe. Experiencia di cada local of turista cu sali pa Merca via Aruba ta 100% Positivo pasobra pasando inmigracion y Douane Mericano na Aruba ta evita un proceso largo ora bo yega Merca. E mesun cos kier logra pa Hulanda. Na Hulanda actualmente ya caba a cuminsa introduci un automatizacion riba control di pasaporte. Aki via un machine special ta controla pasaporte sin cu mester pasa inmigracion. Na Hulanda ta usando esaki y no ta aplicable pa muchanan bao di 18 anja. E ta aplicable solamente pa pasaportenan cu chip. E ta wordo usa caba pa pasaportenan di pais Europeo, Noruega, Ijsland, Liechtenstein y Zwitserland. Pa fin di anja mester tin mas machine y suficiente instala den aeropuerto di Schiphol. E ta un proyecto realisa cu coperacion di e departamento di asuntonan di interior, Schiphol y Marechaussee di reino. E proyecto. Na Hulanda ta costa 30 miyon Euro. Pa Schiphol Group ta importante pa e pasahero pasa mas rapido cu ta posibel y pesey mes nan ta sostene e proyecto aki. Schiphol no ta mira mas espacio pa atende cu pasaheronan via extra balie. Pesey e proyecto aki automatiza ta fit net bon na Hulanda. Marechaussee tambe ta contento pasobra e ta tuma over e trabao di rutina. Otro paisnan ta interesa den e proyecto aki. E sistema ta traha basa riba recononimento di cara den forma biometrico reconiendo e cara y pasahero su foto den pasaporte. Esaki ta posibel dor di haci midicion entre orea, boca, nanishi y wowonan.
Comentarionan (9)Mustra/Kita comentarionan ...
E secreto di Mike: Ora Mike invita.....hendenan ta core dja leu for di tur skina pa bin tende. Ora Mike papia hendenan..... ta cla cu oreanan hancho habri pa scucha. Ora Mike tin un idea positivo pa cu su dushi Aruba stima..... e sa con pa plantea esaki y transforma esaki pa bira realidad. Mike a sa di scohe .....un set di hende - cada un, y un pa un idealista te den alma - pa asina realisa su sonjo, di su ruman, tata y abuelo. Mike cu su inteligencia, su humildad y su sencillez ta habriendo portanan na tur parti di mundo pa nos dushi Aruba stima. Mike e pueblo rubiano di buena fe y di bon curason cu ta stima Aruba di berdad, cu tambe ta e masa TA CU BO!
,
July 18, 2012
...
Hopi bon...y e pre-clearance aki ta bai baha prijs di gasoline? Y coriente? Mi ta keda cu mas placa den mi cartera awor si cu e pre-clearance?
,
July 18, 2012
...
Pre-clearance? OK.. ultimo ma wak tin para European passport riba mi paspoort. All it does is save me from waiting in line at schiphol. Esun pa bai merka mi ta kompronde Paso ya bo sa kaba si bo mag di drenta merka. Skapabo Di warda pe siguiente vuelo bek pa aruba:-)
Of heb ik het helemaal fout?
,
July 18, 2012
Duna Comentario y/of Comparti riba Social Medi |
Mustra/Kita e formulario di comentario
Awo nos tin un Minister President cu ta vale la pena.