| Rudy Lampe: Ta informa GroenLinks di e mentira financiero di Aruba |
 |
 |
| Wednesday, 18 July 2012 10:16 |
 Pais Corsow a risibi un ‘aanwijzing’ di parti di Gobierno di Reino pa motibo di un deficit financiero di menos cu 80 miyon florin. Korsow ta wordo castiga pa un deficit minimo compara cu estun di Aruba. Segun expertonan a scirbi nos, si bo kita e cifranan ficticio di entrada cu tin den presupuesto y pone aserca e debe di Gobierno na APFA e deficit real ta lora cerca di 600 miyon florin. En todo caso, nos a informa Groenlinks di e cifra oficial di Banco Central cu e deficit ta casi 7% di e GDP. E norma di Union Europeo ta 3% cu ta conta pa Hulanda tambe. Nos a informa politiconan hulandes cu pueblo hulandes tin cu hala faha mara pa logra e 3%, Corsow ta haya straf pa un deficit sumamente abao, anto AVP-CDA por sigui malgasta placa na granel. Corsow, cu mester a absorbe tur e funcionarionan publico di Land Nederlandse Antillen despues di a desmantela Antias, tin un aparato publico di 4 mil trahador. Aruba, cu ta mas chikito, tin un aparato gubernamental di 7 mil trahador, y hopi ta coordinador cu salario halto nombra dor di Gabinete Mike Eman. Esei tambe ta un forma di cumpra voto. Nos a pone politiconan hulandes na altura cu na final di cuenta, ora Aruba crash, ta Hulanda ta para garantia di e debe astronomico di Pais Aruba. Nos semper a boga pa tin supervision financiero riba Pais Aruba, e ta cumbini pueblo pero claro e no ta cumbini nos politiconan. Hulanda, Alemania, tur tin supervision financiero y mester mantene nan mes na e norma di 3%. Mira loke ta pasa na Spaña cu tabata tin un finanzas publico no balansa, e clase media ayanan ta sufriendo enormemente. Na Aruba esei ta bai pasa: e deficit financiero ta bai afecta e clase media, cu ta bai tin menos pensioen, mas prima di AZV etc.
Comentarionan (8)Mustra/Kita comentarionan ...
Un sentencia mas pa AVP, e biaha aki ariba cabes di e prome minister mes.....e gobierno aki a kibra tur record di ganjamento....tristo...
,
July 18, 2012
...
E ex-pastoor, ex-"politico", ex-"educador", ex-etc. aki ta un persona cu a perde tur credibilidad. E ta inconfiable, style di quinta columna.
,
July 18, 2012
...
Nos a manda copy di e sentencia di corte den e caso eman-croes pa tur partido politiconan di Hulanda y ora traduccion ta cla e ta bay Petro China y gobierno di Brasil tambe.
,
July 18, 2012
...
Cu e homber aki como mandatario adios ARUBA! Cu den su iglesia mes ela trece yen di discordia y bruhamento. Como mandatario ARUBA lo perece sigur den caos y anarkia. Dios libra!
,
July 18, 2012
Duna Comentario y/of Comparti riba Social Medi |
Mustra/Kita e formulario di comentario
