|
Aruba Ports Authority ta Firma Acuerdo cu Curoil |
 |
 |
|
Wednesday, 18 July 2012 11:29 |
 E ta habri e oportunidad tambe pa amplia e paketenan di servicio serca nos clientenan, esta e lineanan crucero. Aruba Ports Authority cu ta ofrece un servicio di calidad na lineanan y ta move den e industria cu hopi dinamismo ta di opinion cu e posibilidad di un posibel acuerdo cu Curoil lo dune un gran ventaha ariba puertonan competidor den area Sur di Caribe. Pa e motibo aki e dos companianan a uni forsa pa yega na un acuerdo di intencion cu ta condusi na un feasibility study pa wak tur e aspectonan y posibilidadnan cu tin pa cada compania den e area di bunkering. Durante e proximo lunanan e dos companianan ta acorda di bai traha hunto pa finalisa e estudionan y negociacion relaciona na bunkering den haf di Aruba. Realisacion di e acuerdo aki ta implica cu e area di bunkering na Aruba lo tin un impacto grandi riba economia di Aruba y ta crea posibilidadnan di ampliacion di negoshi pa Curoil beneficiando ambos compania riba termino largo. E acuerdo di intencion (letter of intent) a keda firma pa director di Aruba Ports Authority, Señor Boekhoudt y director di Curoil, Señor Lasten.
| 
| |
 |
Mustra/Kita e formulario di comentario
