| Diamars dia 31 di juli 2012 ta ultimo dia pa haci cambio den e Buki di Telefon 2013 |
 |
 |
| Wednesday, 18 July 2012 14:47 |
 Si e nomber di un negoshi of di un cliente no ta aparece corectamente den buki di telefoon, ainda tin chens pa cambia esaki pa e proximo buki di telefoon 2013. Pa haci e cambio clientenan por pasa na cualkier Teleshop cu nan Identificacion valido pa haci e cambionan necesario.
E deadline pa registra nomber, adres corecto pa publica den e edicion di Buki di Telefoon 2013 ta diamars proximo dia 31 di Juli 2012. Actualmente e registro di nomber ta bai segun e nomber y adres cu ta registra den data base di SETAR Den e buki telefon di SETAR e usuario por haya tur informacion tocante producto y servicionan di SETAR di telefon di cas, celular, Internet y cable. Ademas tin den e buki telefon e requisitonan pa por aplica pa cualkier servicio di SETAR. Tambe e localidad y orarionan di tur SETAR Teleshopnan den e buki telefon. Den e seccion di pagina blanco “white pages” ta haya tur number di telefon fiho di cas of negoshi (cu no ta priva es decir cu no ta “unlisted”), tambe number di celular cu a wordo pidi pa ta listed. Den e seccion di “yellow pages” ta haya informacion y number di tur negoshi na Aruba den nan diferente categorianan. Ademas di esaki e buki di telefon tin e “Community Pages” den cual por haya informacion y number di tur departamento di Gobierno y Fundacionan, informacion valioso pa ora di horcan y tambe un introduccion riba e ortografia di Papiamento. E buki di telefon aki ta accessible tambe online, y clientenan por bai na www.arubayp.com riba nan computer na cas of riba nan telefon celular.
|
Mustra/Kita e formulario di comentario
