| Kiwanis Club of Aruba a organisa e projecto di “Smile Makers 2012” |
 |
 |
| Wednesday, 18 July 2012 19:04 | ||||||
 Recientemente Kiwanis Club of Aruba a tene otro exitoso projecto “Smile Makers” caminda cu 20 muchanan a haya e oportunidad pa hasi nan check up dental y tambe nan limpieza dental na J.M.M. Ras Dental Clinic.E e projecto “Smile Makers” di Kiwanis Club of Aruba a origina for di Kiwanis Club of Mandeville Northshore, Louisiana, cu ta cuidando e sonrisa nan di e mucha nan den mas necesidad na Nicaragua. E muchanan cu a experiencia e Smile Makers di Kiwanis Club of Aruba a wordo concientiza ariba nan cuido dental caminda enfasis a wordo poni ariba e importancia di e hygiena dental. Esaki ta e prome fase di e projecto di Kiwanis Smile Makers. E di dos fase lo tuma lugar despues caminda cu serca e 20 mucha nan aki tur djente lo wordo restaura pa asina logra djente nan sin buraco y smile nan saludabel . Un danki ta bay na e team di J.M.M. Ras Dental Clinic y Colgate cu hunto cu Kiwanis Club of Aruba kier cuida e sonrisa di nos mucha nan aki na Aruba cu ta algo hopi valioso. Kiwanis ta un organisashon global di voluntarionan dedica na cambia e mundo pa via di un mucha y un comunidad cada biaha y tin como lema: sirbiendo e muchanan di mundo. Kiwanis Club of Aruba ta activo den e comunidad Arubano desde 1965. Pa mas informashon di Kiwanis Club of Aruba y of su actividadnan por acudi na www.kiwanisaruba.org. Tambe por bishita e website di kiwanis Internacional na www.kiwanis.org.
|
Mustra/Kita e formulario di comentario
