Durante e estreno di mey anochi di “Batman: The Dark Knight Rises”, un hoben di 24 aña, James Eagen Holmes, a drenta den un cinema na Denver, y a tira riba e publico, matando asina aki 12 persona, di cual un di nan tabata un comentarista aspirante di Deporte, kende tabata tweet momentonan prome cu el’a wordo asesina.

E tiroteo aki a causa consternacion na varios pais rond mundo di cual entre otro Paris y London, a pospone nan première di e pelicula. E compania productor Warner Brothers a manda condolencia pa e famianan di esnan cu a fayece, como tambe President Barrack Obama a expresa su tristesa pa loke a pasa. E tiroteo aki ta e di dos mas severo cu a sosode den historia Mericano, lagando asina aki e heridonan, 59 en total, den un trauma completo. Presidente Obama a nombra e dia aki pa uno di oracion y reflexion. Mientras tanto, Polis y FBI a bay listra den e apartamento di e sospechoso, cual tabata un trampa, caminda por tuma dianan largo pa por haya algo, mirando cu e sospechoso a laga sa, durante su aresto cu e tin un arsenal di explosivo eyden. Mientras Merca y mundo ta na luto pa motibo di e acontecimento tragico aki, cu a trigger autoridadnan pa tuma medidanan di siguridad severo na entrada di complehonan di cine.

Comentarionan (2)

Mustra/Kita comentarionan

...

klick klak bang bang, e kos ey ta gangster, i no loke e mucha jong nan di aki bou ta pretende di ta!

paff , July 21, 2012

• 
• -2
• 
• 

...

@ paff: Gangster??? Kiko tin di gangster den e kos ey?!!! Anto kiko bo kiermin cu no mane e mucha jong nan di aki bou ta pretende??? Kiko bo kiermin cu nan tin cu hasi meskos? Foeiii....mente pollo cu bo tin!!! FOEI

Mireya Croes , July 21, 2012

• 
• +5
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi