| Boda impresionante di Gregory “Pilin” Krosendijk y Aiseline Sprok |
 |
 |
| Saturday, 21 July 2012 15:48 | ||||||
|
Un dia promer esta diabierna 13 di Juli nan a casa pa Raad. Diasabra sinenbargo pa 4pm atardi e ceremonia a tuma lugar den Misa San Francisco na Playa unda dilanti altar tanto Pilin y Aiseline a bisa SI na otro prometiendo cu te den eternidad nan lo tey pa otro. Padrino di Bruid tabata Endy Croes mientras cu Ghyslaine Krosendijk tabata e Madrina. Como Bruidmeisjies y Bruidjongens tabata tin entreotro Pilin su dos princesnan Edelaine y Edwiline Krosendijk y Pilin su prince Edward Krosendijk. Tambe como bruidmeisjies y bruidjongens tabata tey Radley , Afshanty, Farrel Cecilia, Danielly , Arshanteny y Jezekiël kendenan tur a keda masha bunita mes bisti den color crème y blauw turquoise companjando Gregory “Pilin” y Aiseline te na altar. E Angelitonan Ashwar y Zulainy a carga e renchinan precioso. Despues di MISA a hasi algun fotoshooting entreotro na Eagle Beach y despues a sigi pa Club Caiquetio unda tabata tin un fiesta di kita sombre anima pa Tsunami y Rincon Boyz. Club Caiquetio a wordo comberti den un scenario manera banda di beach cu un speedboat di berdad aloca parti paden mientras cu entrada a crea un brug masha bunita usando driftwoods esta palonan cu ta drief bin tera cual a wordo recohi na costa norte di Aruba. Un sonido unico di lama tabata acompanja invitadonan na entrada di Club Caiquetio. Despues di a come un caitering hopi dushi Tsunami a toka un wals unda primeramente e pareha y un rato despues henter su famia a habri pista. Desde eynan te den ora di mainta e celebracion tabata na un manera unico y spectacular. Hopi invitado y familiaresnan di Corsow kendenan a bin Aruba specialmente pa comparti e momento aki. Mas cu klaro un cantidad grandi di familares di Aruba y amigonan a goza hunto di un tremendo Boda cual a wordo categoriza como e BODA di ANJA 2012. Un palabra di Pabien y hopi felicidad na e pareha Gregory “Pilin” Krosendijk y Aiseline Krosendijk Sprok. Pabien tambe na mayornan di Gregory Edward “Pilin” Krosendijk y Aiselene Krosendijk Sprok y demas famia y conocirnan. Un Boda bunita prepara y unico den su estilo y cual sigur lo keda biba den memoria di hopi como e BODA di ANJA. UN BODA INOLVIDABLE !!!!
Comentarionan (9)Mustra/Kita comentarionan ...
Aisline...college...hopi contento mes mi ta pa bo....mi ta corda cu bo twt papia di e casamento aki nan den officina....hopi leuk mes.....sigue cu e bon trabou, kleine.
,
July 21, 2012
...
@bantaserio, concho bo no ta wak cu ta e bandido di decado ta PADRINO !!!
Eynan e importancia ta sinta !
,
July 21, 2012
...
24ora.com no ta pa kosnan importante so "bantaserio" si ta redo so bo ta buska, anto bo kuenta e ora!!!! Aiseline mi ta kontento pabo, mi ta korda tempo nan aja tempo di kana foi bubali bai te bushiri hahahahahah
,
July 21, 2012
...
Ami voca madrasa di piling kier pone tur hende cu kier duna nan comentario riba e boda di nos jiu y aselien pa nan respeta famia y pensa bon kiko bo kier bisa prome cu bo skirbi algo
Pa esun cu a pone cu ta un bandido ta padrino mi kier a bise laga egoista un banda paso famia krosendijk y sprok por haci loke cu nan por haci .si bo tin duele cu e padrino no ta bo categoria y bo no por pone un hende asina importante pata bo padrino no duna bo comentario ,famia krosendijk , sprok ta un famia cu ta uni pa haci algo bon y nos por haci algo bon . si bo kier pone bo comentario pone bo nomber pa bo ta completo y no sea un cobarde.
,
July 22, 2012
Duna Comentario y/of Comparti riba Social Medi |
Mustra/Kita e formulario di comentario
