| Lotto ta sponsor orguyoso di nos Campeonnan Latino Americano Junior League! |
 |
 |
| Sunday, 22 July 2012 14:25 |
|
Beisbol na Aruba y Lotto ta di fiesta ! Como partner den e exito di Aruba su streanan di Junior League cu a gana e campeonato na Costa Rica durante fin di siman pasa, Lotto tambe ta celebrando e exito di nos muchanan. Lotto, e loteria di Aruba ta hopi orguyoso di nos seleccion di beisbol, cu awo ta bay representa no solamente Aruba, pero Latino America completo na e World Series na Michigan. E team ta den preparacion intenso ariba tur tereno cu ta relaciona cu nan deporte y nan ta hopi entusiasma. "Lotto un biaha mas ta di berdad para tras di su lema Cambiando bida cu nos beisbolistanan hoben. Lotto ta contento di a sponsor nan biahe pa Costa Rica y contribui asina na cambia nan bida, motiva nan pa sigui semper padilanti den nan deporte y crea recuerdonan incomparabel pa cada un di nan y nan famia. E oportunidad cu Lotto a brinda nos campeonnan di por a competi na un nivel internacional cu ta conduci na un torneo mundial ta e experiencia of a lifetime”, asina Patrick Fortin di Lotto di Aruba a conclui bisando. E contribucionnan di Lotto, via di su donacionnan na e comision di subsidio pa deporte, ta brinda un apoyo inigualabel na nos comunidad deportivo na tur nivel di competencia. Lotto, pa medio di su productonan Big 4, Lotto di Dia, Lotto 5, Mini Mega, Zodiac, Catochi y Wega di Number Korsou, haci e deseonan di su ganadonan y ta recauda fondo pa nos deportistanan haci nan soñonan realidad. |
Mustra/Kita e formulario di comentario
