| Dos menor di edat haya morto den badkuip den kamber di hotèl na Marriott Korsou |
 |
 |
| Sunday, 22 July 2012 22:00 | ||||||||||||
|
Djadumingu 22 di yüli 2012, alrededor di 20.20’or, a drenta e informashon na Sentral di Polis ku na un hotèl situá na John F. Kennedy Boulevard e personal a bin topa den un di e kambernan ku dos menor di edat drumí den un ‘badkuip’ i ku no ta duna señal di bida. E patruya ku bai na e sitio a topa ku e dos muchanan den un ‘badkuip’ den un di e kambernan di hotèl i nan no tabata duna siñal di bida. For di un investigashon preliminar ku polis a hasi na e sitio a resultá ku ora e personal di e hotèl a konstatá ku awa tabata sali for di kamber di e hotèl nan a habri e porta i hañ’é e muchanan den e ‘badkuip’. Tambe nan a deklará na polis ku e mama ku ta kedando den e kamber ku e muchanan lo mester a sali bai un ratu promé for di e hotèl den un outo. Mas lat ta drenta informashon na Sentral di Polis ku na e laman na Piscadera tin un dama ta grita den awa. Polis ku a bai na e sitio a bin topa ku e dama den laman i ku ayudo di algun persona riba “Seadoo” a logra sake for di den awa. E dama ta kuadra ku e deskripshon di esun ku tabata hospedá den e hotèl ariba menshoná. Ku ambulans a transportá e dama S.M.P.V. nasé na Bèlgika di 35 aña di edat pa Poli di St. Elisabeth Hospital kaminda despues di tratamentu e la keda interná den Klínika Capriles pa tratamentu. Dòkter di Polis pa 21.30 ‘or a konstatá morto di e dos muchanan; A.A.C.N.M. i A.A.C.N.M., ámbos mucha muhé nase na Bèlgika i ámbos di 6 aña di edat. Riba òrdu di fiskal di Ministerio Públiko a konfiská e kurpa sin bida di e víktima pa mas investigashon. Reshèrshi ta sigui ku e investigashon.
Comentarionan (11)Mustra/Kita comentarionan ... dios duna pas ne ciatura innocente nan ki! mi no por drumi, awa no ta stop di core dimi wowo nan, mi tin mi yui nan den cama cumi y mi no ta stop di brasa nan y sunchi nan! regalo di dios cu e muher ki a gwn kita nan bida no por unda e mundu ki ta bay?
,
July 22, 2012
...
Lastimamente e castigo nan den reino ta hopi abou.paso hendenan asinaki mstr keda cera pa resto di nan bida
,
July 23, 2012
...
Hopi tristo,y tin cu no por haya yu,bo ta loco pa mata,anto bo mester a sera bo pianan y no kitanan bida foi nan,y otro cos hasie na Belgica ,pakiko bin cu nan y riba dje matanan,si bo no ta ke nan regala otro hendenan cu si por a stimanan,esaki ta un sigur cu a pone of stima homber prome cu su mesun sanger,hopi tristo mes
,
July 23, 2012
...
Hopi tristu, mi kurason ta morde ora mi a tende e notisia aki. E shon aki no mester a hanja yu hamas i nunca di su bida. Mi sa si ku na Belgica kastigu ta hop mas pisa ku Hulanda. Na Belgie autoridad nan no ta hasi wega ku tipo di asesinato nan aki. E shon aki ta hanja bida largu na Belgie, si ta di Belgie e ta bini. Esei no ta duna e pober kriatura nan nan bida bek si. Tin hopi hende ku tin gana di hanja un yu anto nan no por, pa tipo di hende nan asina aki si ta hanja yu. Tristu tristu.
,
July 23, 2012
Duna Comentario y/of Comparti riba Social Medi |
Mustra/Kita e formulario di comentario
