Últimamente a traha duru riba e konstrukshon di e instalashon di purifikashon di awa di kloaka na LVV i na ponementu di e sistema di kloaka.

E Ordenansa insular di awa di berpùt ta nesesario dor aki den bo ta haña e reglanan pa konektá bo ku e riol di kas i kompanianan riba kosta. Un otro motibu ta ku e lei di maneho di bibienda públiko, planifikashon urbano i maneho di naturalesa BES for di promé di yüli último ta preskribí ku Entidat Públiko mester disponé di un ordenansa pa awa di berpùt. Banda di esaki Boneiru mester kumpli ku e palabrashonnan ku Union Europeo, kual ta esun ku ta finansiá e proyekto.Despues di vakashon di zomer ta kuminsá e fase kaminda lo realisá e konekshonnan riba e riol. E negosiashon gubernamental ku Hulanda enkuanto e konekshon obligatorio no ta kla ainda.

Trabounan doméstiko i kompanianan ku tin di haber ku esaki no mester tuma akshon nan mes. Gobièrnu di Boneiru lo manda nan un karta adelantá informando enkuanto e proseso aki.E ordenansa di awa di berpùt ta regla e rekohementu, transportashon i e purifikashon di e awa di berpùt. Esaki ta bai mas leu ku trabounan doméstiko i kompanianan riba kosta ku ta obligá pa wòrdu konektá riba e riol. Gobièrnu tin tambe e obligashon pa rekohé e awa di berpùt ku trùknan na sierto área indiká. Esaki ta konta prinsipalmente pa e área habitá i parselanan paden ku 500 meter na e ámbos banda di kaminda pa Rincon i Lagun.E ordenansa ta kontené tambe e obligashon pa tur hende ku ta deshasí awa di berpùt pa sòru pa nos naturalesa no wòrdu afektá. Esaki ta nifiká in prinsipio ku nos awa di suela i e superfisie di awa no por wòrdu sushá.

Tambe e funshonamentu di e instalashon di purifikashon no por wòrdu strobá dor di produktonan malu o dor di pone otro produktonan den e awa di berpùt.

E proyekto di riol ta un akshon for di e plan di maneho di naturalesa Boneiru pa protekshon di salubridat públiko, salú di e ref nan. Esaki ta bon pa turismo i ekonomia di e isla. E ta importante pa nos tur.Diputado James ta satisfecho ku e Ordenansa di awa di berpùt keda aseptá dor di Konseho Insular.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi