| Parlamentario den Bario di Noord cu bon reaccion |
 |
 |
| Monday, 23 July 2012 16:03 | |||||||||||||||||||||
E evento aki tabata specialmente pa e area oost di Noord cu ta keda rond di Bubali Club. Drs. Croes a splica sinembargo mas importante cu e cantidad di personanan cu a bishita, tabata e meta di e reunion. “Nos a scoge pa ta Parlamentario diferente na otro Parlamentonan cu a yega di existi. Riba iniciativa di fraccion di AVP a dicidi pa bay cu e miembronan di Parlamento den diferente Bario di Aruba. Esaki tabata e di tres edicion y tabata un exito rotundo.” El a agrega cu esnan presente tabatin hopi pregunta y preocupacionnan expresa. E politico parlamentario ta kere cu esaki ta un forma di democracia directo cu a wordo introduci door di e Griegonan.
Esnan presente por a haci nan pregunta na un panel na 12 miembro di Parlamento (fraccion AVP) cu tabata presente. Por medio di e tipo di encuentronan aki, ta ricibi bon feedback riba loke e ciudadanonan kier mira den maneho di Parlamento, e organo cu ta representa pueblo di Aruba.
Na Aruba, e evento aki por wordo considera algo historico pasobra ta prome biaha cu Parlamento a cuminsa bay den barionan y e reaccion ta haci cu lo sigui cune. Y e proximo bario cu lo bishita ta keda anuncia den corantnan. E peticion di e ciudadanonan di Noord ta varia pero uno cu sigur a resalta ta cu ainda basta caminda na Noord pa wordo asfalta. Pero ta algo cu a wordo scucha den e reunionnan anterior tambe. Igualmente tin preocupacion cu e falta di iluminacion. Pero tambe tabatin preocupacion expresa riba e diferente dumpnan ilegal. A wordo splica na e ciudadanonan cu ya caba basa riba diferente reunion teni den Parlamento, Gobierno a tuma decision cu lo bay implementa e Algemene Politie Verordening y lo cera e dumpnan ilegal entrante prome di augustus awor. Personanan cu wordo atrapa ta tira sushi na dumpnan cu no ta legal, ta haya un boet.
Otro aspecto di preocupacion y preguntanan haci ta, ki inversion of kico Gobernacion ta haciendo den e maneho di Asuntonan di Hubentud. Esaki debi na e preocupacion di e caminda cu grupo di hobennan ta tumando. E Presidente di Parlamento tabata masha impresiona cu e tipo di e reunionnan aki. “E bunita di e reunionnan ta e contacto personal cu tin cu e ciudadanonan di Noord; e ta un meta cu no solamente den campaña ta bishita pero durante gobernacion tambe pa haya e feedback, mira ki direccion nan kier bo bay y mehora bo mes como Parlamentario.”
Un di esnan presente na e reunion aki tabata Sharlene Tromp, kende a aprecia masha hopi e iniciativa pa Parlamentarionan bay den bario. “Di e manera aki nan ta tende directamente e elogio, e critica, sugerencia cu e pueblo por tin.” Sra. Tromp a bisa cu pa loke ta Noord specifico, nan ta basta contento pero cu tin un mahos bista caminda un ciudadano ta biba riba pleno caya. E ta spera cu e keho aki por yega cerca e instancianan concerni pa haci algo pa e persona en cuestion.
Comentarionan (4)Mustra/Kita comentarionan ...
PUEBLO di BUBALI y ARUBA en general, ta EXIGI pa e Parlamentarionan ariba, pone PRESION ariba e GOBIERNO cu nan ta SOSTENE, pa CUMPLI cu e PROMESANAN duna na PUEBLO den CAMPANJA 2009 pa haya VOTO. PUEBLO ya no ta KERE NADA mas, si no mira un REDUCCION SUBSTANCIAL DI AWA y CORIENTE cu Prome Minister Eman a CALc*lA di ta 25.5% na 2009 y un otro 25.5% na 2010. Snembargo nos ta na 2012, y PUEBLO a CONSTATA un AUMENTO BARBARO den BRANDSTOFCLAUSULE na 2 ocacion cu MESTER worde paga! BARBARIDAD no tin LIMITE pa e GOBIERNO actual!
,
July 23, 2012
...
Ja knikkersnan parlamentario, ken ta kere bosonan ainda? ni den parlamento di Aruba bosonan ta sirbi.
,
July 24, 2012
...
Ami no ta kere den meeting nan aki. Pasobra mi palabra NO TA CONTA.
Y ora mi kier un afspraak cu un parlamentario of un minister, mi tin cu warda masha hopi mes anto, un par di dia prome secretaria ta jama pa cancela e afspraak y duna un fecha nobo cu ta algun siman despuespues di e afspraak original pasobra e minister tin cu biaha, tin spoedvergadering, tin entriero, tin cu bay paranda latino etc, etc. Un monton di excusa pa no atrende cu e afspraak. Despues no ta tende nada mas. E wega aki ta bay stop, DEFINITIVAMENTE ! MEP a hanja su brevet van onvermogen caba y esun di AVP ta na caminda. Manera l****n di anochi a hisa grondbelasting riba lomba di Juan Pueblo y akinan AVP Y MEP tin c*lpa. Kita e aumento aki posobra Pueblo NO POR SOPORTA MAS !
,
July 24, 2012
Duna Comentario y/of Comparti riba Social Medi |
Mustra/Kita e formulario di comentario
