| Parlamentario Booshi Wever: Prome Ministro a pone presion riba ambtenaar pa tapa su konkelmento cu adres?? |
 |
 |
| Monday, 23 July 2012 17:01 |
 Dialuna ultimo, dia 23 di juli, nos a tuma nota di e hecho cu un carta a sali pa Ordo di Abogado di Aruba, den cua un ambtenaar di Censo a keha abogado mr. Anthony Ruiz. E keho ta pasobra mr. Ruiz lo a duna e matutino Solo di Pueblo e informacion cu Mike Eman no ta inscribi riba e adres unda e ta biba realmente.
Nos tur sa cu Mike Eman ta biba den un mansion miyonario den Marisol Building, un mansion (Penthouse) cu ta costa miyones. Ta cos di sconde tin, of e ta biba den un mansion cu otro a paga p’e? Ainda nos ta corda cu su ruman Henny tambe a yega di haya un regalo di su ruman muher kende ta notario; aki tambe ta mesun caso? Of e mansion aki el a haya for di su compatriotanan Haitiano?? Na lugar cu e ambtenaar aki pone e intimidacion y instruccion aki un banda, y manda yama Mike Eman pa bin duna cuenta dicon e ta "KONKEL" cu su adres, y mustre cu e ta cometiendo un acto castigabel y cu e por wordo persigui penalmente pa esaki, e ambtenaar ta core hasi su mes culpabel na yuda tapa "konkelmemento" cu adres. Pero bo mester por confia riba e administracion basico aki tambe! Ta basá riba e informacionnan na Censo, bo ta sigurá na AZV, of ta basá riba esaki SVB lo sa cuanto tempo bo ta bibá na Aruba. Pues konkelmento cu bo adres por tin consecuencianan desastroso pa nos sistema fiscal y social aki na Aruba. Y aki nos mesun Prome Ministro, kende ta e prome yamá pa duna un bon ehempel, ta KONKEL cu su adres. Ta inacceptabel cu Mike Eman ta trece e confiabilidad di e informacionnan aki den peliger. Y na lugar di admiti cu el a comete un eror, y tene honor na su mes, e ta laga un ambtenaar manda un carta pa e Ordo di Abogado, y esaki djis pa desvia e atencion di e acto criminal aki. Loke nos no mester lubida, ta, cu ta e mesun Censo ta esun cu ta responsabel pa e "Kiesregister", cu mester contene e informacionnan corecto y confiabel, y nos mester por tin 100% confianza den esaki. Sinembargo, ora cu nos tin ambtenaarnan ta sucumbi pa presion y/o ta presta nan mes pa tapa "konkelmento" manera ta e caso aki, anto con nos por confia cu mesun ambtenaar aki lo NO sucumbi pa e presion cu Mike Eman lo por pone riba dje otro anja pa inscribi hendenan cu no tin derecho pa ser inscribi, pa nan wordo inscribi toch, pa asina ey crea e posiblidad pa manipula y influencia e resultado di e eleccion otro anja? No ta nan mes a crea awor e impresion aki den pueblo cu e acto cuestionabel aki? Cu ki moralidad Censo por bai bisa esnan cu ta biba gran parti di anja pafo di Aruba, pero cu kier sigui hasi uso di nan carchi di AZV, cu esey no por?? Y si esakinan bai abogado, e ora ey tambe un carta ta bai pa e Ordo di Abogado? Of cu ki moralidad Censo por bai hasi un investigacion, ora cu nan ta sospecha cu tin un caso di un matrimonio ficticio?? Kico ta diferencia entre nan acto y esun di Mike Eman? Y cu ki moralidad Censo lo por "ambtshalve haal door" un inscripcion di un persona cu ya no ta biba mas na Aruba, cu por tin consequencia dramatico pa nos fondo di AOV? No lubida cu pa tanto AZV como pa AOV, ta e inscripcion den Censo ta determinante cu si bo por tin un carchi di AZV y cuanto pensioen bo lo por cobra. Y mi ta spera cu porfin nos por haya oido riba e asuntonan dudoso y sumamente cuestionabel aki. Comentarionan (16)Mustra/Kita comentarionan ...
Shonnan te asina lew cu e ley ta bisa e registro di adres di CENSO ta openbaar, esta tur hende por bai buska e papel di AWG 5.00 pa sa adres! Mi no por lkere e kos aki!
,
July 23, 2012
...
Wel si,"hij is niet maar zo Iemand"."Duna Comentario di 24 Ora"lo a freeze, si twt "Prm.Min.Nelson Odurer".Mi tya duda cu Hullanda sa e cos aki.
   
,
July 23, 2012
Duna Comentario y/of Comparti riba Social Medi |
Mustra/Kita e formulario di comentario
