|
Fundashon Antriol Avanti ta klousurá plan di vakashon di ku tremendo eksposishon |
 |
 |
|
Monday, 23 July 2012 19:18 |
|
Resientemente Fundashon Antriol Avanti a organisá un plan di vakashon pa muchanan muhé di bario di Antriol. Durante di dos simanan ku a transkurí e muchanan a haña oportunidat pa pasa algun dia di vakashon plasentero hasiendo aktividatnan edukashonal i kreativo.
E aktividat di fakansi aki a terminá ku un eksposishon kaminda spònser i mayornan por a bin atmirá tur loke e partisipantenan a traha durante e dos simannan. Un danki prinsipalmente na “Samenwerkende Fondsen “ i tur ku di un òf otro forma a koperá pa hasi e plan di vakashon aki un éksito. Na e okashon aki diputado Silvana Serfilia a bishitá e fakansi plan su eksposishon kaminda ku e la gradisí e komishon ku a pone nan skouder bou di e proyekto aki pa duna e 27 hobensita nan akohida durante fakansi. Diputado Serfilia a hiba kombersashon ku e diferente di e hobensitanan pa a skucha kiko nan a hasi durante e plan di fakansi i tambe wak kiko nan a traha. Na final e muchanan a entrega diputado un par di regalito ku nan a traha durente e plan di fakansi plan.
 |
Mustra/Kita e formulario di comentario
