| Despues di bon resultadonan di aña pasa: AC Milan Soccer Camp a cuminza cu 80 mucha e aña aki |
 |
 |
| Monday, 23 July 2012 20:01 | |||||||||||||||
|
Den Stadion Guillermo Trinidad tabata tin apertura di e AC Milan Soccer Camp. Esaki ta di dos cu ta tuma lugar na Aruba. E reaccion ta hopi positivo unda 80 hoben lo haya un proceso di preparacion y conocimento mas amplio di tecnicanan di futbol. Den entrevista cu Reggie Carolina, encarga cu AC Milan pa Dutch Caribbean, el a splica mas di e proyecto aki. El a splica cu despues cu tabata tin hopi bon resultado anja pasa nan a bin atrobe cu dos coach di AC Milan. E idea ta pa traha un programa structura e siman aki, di dialuna mainta te diabierna, caminda cu nan ta bay concentra mas tanto riba e parti mental di futbol y ta bay aplica e strategianan cu nan ta bay usa. Siete coach en total lo ta instruyendo e muchanan, cinco local y dos di Milan y nan ta bao guia di Remy Davelaar. Nan ta bay prepara e muchanan pa haya mas sabiduria di loke ta futbol, no solamente scopmento di bala pero e parti strategico con pa pensa y traha un wega. Di e grupo cu a participa anja pasa, na cuminzamento di Juli awor diferente ekipo a bay Cleveland, cu un total di 18 mucha, y nan a haya bon resultado, unda cu U 18 a logra e segundo lugar den e torneo, U 14 a sali number 3, U 16 number 5 y U 12 no a clasifica pero a gana simpatia di esnan di Milan y di e publico cu tabata den e torneo. Reggie Carolina a bisa cu nan ta spera cu di e grupo di 80 mucha di e anja aki, tambe lo por logra e mesun proyecto, sea nan saca un ekipo di Aruba so si tin suficiente, si no nan lo combina nan cu campnan di Curacao of di Bonaire, como un team yama Milan Dutch Caribbean. Pa fin di e aña aki nan tin planea pa bay Colombia cu e teamnan di U14 cu U12 caminda lo tin un contribucion basta fuerte di Aruba tambe.
|
Mustra/Kita e formulario di comentario
