| Xiomara Ruiz-Maduro (MEP): Gabinete Eman a firma un acuerdo cu APFA sin aprobacion di Parlamento |
 |
 |
| Monday, 23 July 2012 20:27 |
|
Nos a tuma nota cu Gabinete Eman a asumi su responsabilidad y a yega porfin na un acuerdo cu APFA pa asina cubri e deficit di e fondo di pensioen pa e empleado publico. Gabinete Eman den e acuerdo a duna APFA e garantia cu den un periodo di 15 aña nos dilanti nan lo cubri e deficit di e fondo di alrededor di 626.000.000 florin. Pero como cu Gabinete Eman no a bin pidi aprobacion adelanta na Parlamento pa sera e acuerdo aki, awor tin duda si e acuerdo aki tin valides si of no. Na momento cu Gobierno di Aruba sera un acuerdo pa mas di 5 aña, articulo 22 di nos Ley di Comptabilidad ta prescirbi cu Gobierno mester pidi aprobacion adelanta di Parlamento di Aruba pa por sera e acuerdo aki. Den e caso di e acuerdo di 15 aña cu Gabinete Eman a sera cu APFA siman pasa, nos por constata cu Gabinete Eman no a bin Parlamento pa pidi aprobacion conforme nos Leynan y esaki ta trece duda si e acuerdo aki tin un base legal si of no. Nos tur ta convenci cu Gabinete Eman a haci lo correcto door di a sera un acuerdo cu APFA y duna un garantia pa asina e fondo di pensioen di empleado publico por keda salvaguardia pa hopi aña mas. Pero locual si ta straña nos ta e hecho cu Gabinete Eman no a bin Parlamento pa asina formalisa e garantia aki den un Ley, na unda cu tur esnan envolvi (Gobierno, APFA y e empleado publico) por tin e seguridad cu e acuerdo aki ta cumpli cu nos Ley di Comptabilidad y cu Parlamento por controla si Gobierno ta cumpli cabalmente cu e acuerdo aki. Pasobra ta ken of kiko lo por a stroba Gabinete Eman di formalisa un garantia importante asina den Parlamento? Probablemente e hecho cu nos finanzas publico na man di Gabinete Eman ta asina deteriora y no tin espacio pa mas debe, ta pone cu Gabinete Eman kier tene e acuerdo aki for di bista di Parlamento. E ta parce mane cu Gabinete Eman no kier core e riesgo cu mayan e companianan di rating Standard and Poors of Fitch por haya sa cu nos Pais tin un debe extra ta colga riba nos cabes, cu lo por causa un downgrading inmediato di nos Pais cu tur e consecuencia negativo cu esaki ta trece cune. Con cu bay bin, Gabinete Eman no por core mas pa e realidad penoso cu nan a hinca nos finanzas publico aden. Como Gobierno nan a asumi nan responsabilidad pa cubri e deficit di e fondo di APFA y awor Gabinete Eman mester haci lo correcto di formalisa e acuerdo aki conforme nos Ley di Comptabilidad. Kedando sin formalisa e acuerdo na Parlamento, Gabinete Eman mes ta trece duda den e valides di e acuerdo firma cu APFA. Comentarionan (17)Mustra/Kita comentarionan ...
hmmm....e juf a bolbe bisa un berdad cu e kliek di AVP no kier tende.....si AVP tin mayoria den Parlamento ta kiko ta e problema pa Eman bin Parlamento anto?????? Of Eman ta ganjjjjjjaaaaaa nos dimes atrobe???????
,
July 24, 2012
...
PUEBLO por CONSTATA atrobe, cu ya a para bira un COSTUMBER, cu Parlamentario Xiomara Ruiz Maduro, ta trece Analyses nan pa PUEBLO, basa ariba HECHOSNAN, cu e demas Parlamentarionan cu ta SOSTENE e GOBIERNO, no ta TRIBI di bisa PUEBLO. Resultado ta cu cada biaha algun FUSE ta BULA di loke a resta ainda di esnan cu ta sostene e GOBIERNO, y cu PUEBLO LECTOR mes ta take care di nan, mandando nan den tempo record den PRULLEBAK.
,
July 24, 2012
Duna Comentario y/of Comparti riba Social Medi |
Mustra/Kita e formulario di comentario
