| Minister Visser para 100% tras di diseño pa hospital traha pa grupo Bermello |
 |
 |
| Monday, 23 July 2012 20:27 |
|
Durante entrevista cu minister Richard Visser a puntre pa splica si berdad tin presion riba e gruponan cu ta bezig cu e proyecto pa hospital nobo. Parlamentario Booshi Wever, por ehemplo, ta bisa cu gobierno a pone presion riba SOGA, director di Hospital y AIB, pa asina nan sigui cu e proyecto. Minister Visser a splica cu ora gobierno actual a drenta tabata cu metanan pa wordo logra y nan tur ta birando realidad, entre nan e proyecto pa hospital. Nan a brake e proyecto di Booshi Wever, pasobra e no tabata riba e standardnan halto cu e gobierno aki y minister di salubridad ta exigi. Awor si e ta na standard y su persona mescos cu tur e partnernan envolvi ta trahando den forma positivo riba dje, cada uno a duna su opinion y nan ta support e proyecto. Ta trata di un proyecto full diferente na esun di ex minister Wever, y na e IMSAN cu ta un proyecto chikito pero mal traha, sin cu a envolve ningun specialista, y no tabata tin bestek ni un analisis riba e consecuencianan financiero, etc. E proyecto nobo a bay den palabracion cu tur e partnernan, e specialistanan, AIB, SOGA cu a bin cu su arkitectonan y hunto nan tur a diseña e plan tur aworaki y cu tin orguyo di un y tur. Aworaki e ta den un fase unda tur cos ta aproba y firma y na October cu ta bin lo pone e prome piedra pa cuminza e construccion cu tin un duracion di tres aña. Esaki ta un proyecto historico cu e minister ta pushando pa e wordo ehecuta, pasobra no ta papia so pero haci! Visser a splica cu e ideanan di ex minister Wever ta ideanan bieu cu no tin sentido pa Aruba, pero den e plan nobo tin analisis hopi completo cu a tuma lugar di tur e partnernan envolvi tanto di logistica como financiero y no ta basa riba ideanan descabeya. El a bisa tambe cu e proyecto anterior lo a costa gobierno 2 miyon pa un pintura cu ta bal nada. E minister a destaca e trabao di e arquitectonan di e grupo Bermello, cu ta esun encarga cu e diseño di e proyecto cu ta traha na un nivel hopi halto, y el a splica cu e ta 100% para tras di e decision cu SOGA a tuma pasobra e resultado cu Aruba lo haya di esaki tur hende lo ta orguyoso di dje, cu un hospital cu ta bay ta e centro no solamente di Aruba sino di henter nos region. |
Mustra/Kita e formulario di comentario
