| Miembronan di OPPA a keda satisfecho y mas trankil despues cu prome minister a informa nan riba fondo APFA |
 |
 |
| Monday, 23 July 2012 20:55 |
|
Diabierna mientras tanto e plan di recuperacion a wordo firma. Durante e reunion di diadomingo Prome Minister Mike Eman tabata presente. Paul van Niel a splica cu dos siman pasa ora e polemica rond di e fondo a bin, e mes a bay APFA pa informa su mes kico ta e problema. E no por a reuni cu APFA di biaha pasobra nan tabata den reunion continuamente cu gobierno, pero el a haya un chens diahuebs. Akinan APFA a splica su persona kico exactamente ta e situacion y con tur cos ta sinta den otro. Nan a splike cu den e reunionnan cu gobierno a busca un solucion y a logra esaki tambe, kiermen nan no tin pakico pa preocupa. Presidente di OPPA a presenta diez pregunta na APFA cu a haya contesta pa tur, y tambe el a haya nan por escrito. Esaki el a laga pa Prome Minister cerca su Secretaria. Saliendo for di gobierno e presidente di OPPA a topa cu prome minister, ken a bise cu e lo bin na e reunion di OPPA cu su miembronan diadomingo, pero van Niel a sinti cu e prome mandatario tabata un poco incomodo cu e miembronan di OPPA. Van Niel a splike e motibonan ya cu si e pensionadonan no haya nan pension, nan lo no por sobrevivi. Diadomingo di berdad prome minister a bay e reunion y a splica e miembronan tur cos den detaye. El a bisa cu gobierno tin un herstel plan caminda den 15 anja e ta bay paga e buraco cu tin awor den e fondo y cu a bin pa motibo di e sistema cu no tabata bon. Despues di 15 aña lo no tin problema mas. Segun van Niel e miembronan a keda satisfecho cu e splicacion cu prome minister Eman a duna nan y cu Banco Central lo sigui monitor esaki y nan ta sinti mas sigur cu nan lo sigui haya nan pension tur fin di luna, manera prome minister a garantiza nan cu lo sosode. Paul van Niel a remarca cu e pensionadonan aki a traha hopi anja pa Aruba y nan mester haya e atencion cu nan ta merece. Comentarionan (8)Mustra/Kita comentarionan ...
Sigui DRUMI y KERE Prome Minister, te ora cu BANCO bisa boso cu no tin PLACA!
,
July 23, 2012
...
En todo caso mester cambia e statuut di e fundashon. No por ta asina cu bestuur di APFA por hasi y deshaci cu e fondo cu ta pertenese na hendenan cu a forma e fondo, aportando na e fondo. Bestuur mester por habri buki pa publico wak kiko en realidad ta tumando lugar. Mester revela tambe cual suma di placa cierto comerciantenan lo a haya for di e fondo pa nan projectonan, y pone nan tambe paga bek. Please pone e statuut on-line pa tur hende por lese, y pone tur relato financiero tambe on-line. Si e statuut no wordo cambia, si ta keda saca placa pa cierto comerciantenan, e situashon lo no mehora. No ta gobierno so a haya di e fondo manera por a compronde for di noticia den pasado....
,
July 24, 2012
...
E meneer aki no por papia sin afama e Gobierno anterior. Mester busca manera di baha e homber aki y sak'e di e Stichting. Rubianonan, boso protesta contra e homber stinki aki.
,
July 24, 2012
...
Ambtenaarnan tin un bon pensioen, te awe tur ta ricibi pensioen segun nan ultimo salario, esey lo cabia, ainda nan ta jora pa hanja mas plaka. Kiko ta para cu e tristo pensioen cu ta worde duna door di SVB. un suma miserable compara cu esun di APFA. A jega momento pa esnan cu ta cobra un pensioen di SVB so, lanta para y exigi mas derecho.
Bo ta kere cu un tristo 1000 florin te jega den e tempo aki? Si bo no traha despues di 60 anja bo ta muri hamber, paso e plaka di pensioen di SVB no ta jega pa nada.. Bo ta di acuerdo cumi SI of NO
,
July 24, 2012
...
Sr. van Niel ta mihor bo subi lista di AVP.Gobierno anterior twt bisa boso e berdat, pero AVP twt bisabo no acepta i pa subi caya,loke boso a hasi tambe.Eta Awor bo ta bolbe kere Pr.Min.Eman loke e ta bisa, sin aprobacion di Parlamento.
,
July 24, 2012
...
Loke e empleadonan cu tin pensioen caba mester exigi ta un representante den bestuur di apfa pasobra nan a paga full nan prima caba mientras e ambtenaarnan activo ainda tin cu paga nan prima completo ; e interes di e pensionado ta mas grandi cu di e ambtenaar activo pesey e interes ta diferente. OPPA bringa awor pa representante di OPPA den bestuur di apfa.
,
July 24, 2012
Duna Comentario y/of Comparti riba Social Medi |
Mustra/Kita e formulario di comentario
