|
Caloroso ceremonia di bon bini pa Aruba den e Villa Olimpico na Londres |
 |
 |
|
Tuesday, 24 July 2012 08:15 |
|
"Sacrificio y trabou duro ta loke a trece cada un di boso para awe den e Villa Olimpico di Londres, boso ta e mihor representantenan di boso pais. Cada atleta lo bai experiencia momentonan di alegria, tristesa, desapunto, a lo largo tur lo keda graba y recorda pa e resto di boso bida.
Bon bini na e Weganan Olimpico di Londres 2012", esaki tabata palabranan di e Alcalde di e Villa Olimpico di Londres, Charles Allen, dialuna atardi na e ceremonia di bon bini pa entre otro e delegacion di Aruba. Un ceremonia di bon bini spectacular prepara cu un coreografia di teatro y drama presenta pa un elenco grandi, e mayoria alumnonan di scol di teatro. A trece den un forma amical, colorido y musical, e fiesta olimpico padilanti. E delegacion di Aruba a luci enorme den nan bunita trahe cora cu carson beige y e sombre unico, un trahe cu tur hende a keda impresiona cune. Hunto cu e delegacion di Aruba a marcha e respresentante di e Embahada di Reino Hulandes na Londres, Sr. Westhof. Despues di a toca e tono glorioso "Aruba Dushi Tera", Hefe di Mision, Sr. Bryan Lopes a haci entrega di un regalo na Alcalde di e Villa Olimpico, Sr. Charles Allen. Como representante di e delegacion Arubano den e Villa, Sr. Lopes a pone su firma ariba e "Olympic Peace Wall" como recuerdo di presencia Arubano. Por ultimo, e delegacion di Aruba a haya oportunidad di saca un potret hunto cu e Alcalde di e Villa Olimpico, Sr. Allen na e renchinan Olimpico.
 |
Mustra/Kita e formulario di comentario
Saludos