| Studiante Sasha E. Ridpath a gradua den ‘Bachelor of Business Administration in Tourism Management” |
 |
 |
| Tuesday, 24 July 2012 08:22 | |||
 Minister Plenipotenciario sr. Edwin Abath conhuntamente cu directora interino di Cas di Aruba sra. Shandra John a haci entrega di un regalito na Sasha. Tambe presente tabata director di ATA Europe sr. Tirso Tromp. Despues di e ceremonia, Sasha a scirbi su mensahe personal den e buki “Logronan di nos studiantenan” como recuerdo di su logro. Sasha a cuminsa su estudio na 2008 y den su segundo aña ela core stage pa seis luna na e headquarters di Aruba Tourism Authority (ATA) situa na Aruba. Durante su stage ela traha riba un crisis manual pa (ATA) y a atende diferente conferencianan di tour operadornan for di Europa, Latino America y Merca. Banda di su stage ela traha un “Destination Analysis” di Aruba cu tabata un exito y a logra haña un 10 pe. Den e ultimo aña di su estudio, ela haci un investigacion riba “Young Professionals” for di Inglaterra pa haña sa ki nan imagen y interes ta pa cu Aruba. Den su investigacion – cu alabes tabata su tesis dedica pa (ATA) bou di supervision di sr. Tirso Tromp (Area Director Europe) - Sasha a concentra ariba algun aspecto di e “young professionals” cu ta nan “lifestyle”. Pa medio di su conocemento di ‘branding” y “market segmentation” ela studia e datanan demografico y psychografico di e mercado aki. For di su resultadonan, ela saca afo nan actividadnan, interes, opinion, actitud y balornan segun nan lifestyle. Ademas di esaki tambe ela analysa e aspecto di “branding” cu otro palabra con (ATA) ta promove su mes pa e Mercado Ingles. E competencia mayor pa Aruba pa loke ta trata turismo for di Inglaterra ta e isla di Barbados. E isla aki ta conoci pa Inglesnan debi na e relacion historico cu Inglaterra tin cu Barbados. Durante e investigacion cu Sasha a haci a bin sali afor cu e conocemento di Aruba bou di e “young professionals” ta minimo. Sasha ta conseha e oficina di turismo pa continuamente investiga e mercado aki, debi cu e turista Ingles sigur ta significante pa e turismo di Aruba. Despues di a studia tur aspecto concerni cu e mercado Ingles y e producto Aruba, Sasha a presenta algun punto di recommendation pa (ATA), con nan por atrae e mercado Ingles miho en particular e ‘young professionals’ pa bishita Aruba. Na September benidero Sasha lo regresa pa Aruba y ta prepara pa cuminsa su carera professional den turismo. Tambe e tin deseo pa cuminsa cu su Master na Universidad di Aruba. Sasha ta gradici tur persona cu a forma parti durante e periodo di su estudio na Hulanda especialmente na Cas di Aruba pa nan sosten y ayudo.
Comentarionan (2)Mustra/Kita comentarionan ...
E mercado Ingles no ta malo, pero boso mester tene cuenta cu e hende nan ki nan lo kore cu tur otro turista nan cu ta bin ki nan. Mi ta bisa esaki door cu tur caminda cu ma bai na europa nan ta mal mira paso nan ta demasiado druk. I sin laga afo ora nan cuminsa bebe i bringa cu tur hende.
,
July 24, 2012
Duna Comentario y/of Comparti riba Social Medi |
Mustra/Kita e formulario di comentario
