Lotto, e loteria di Aruba, ta satisfecho di ta e partner di Aruba Wieler Bond pa loke ta trata e curso aki cu ta e prome nivel di un serie di tres curso internacional pa entrenando di MTB/BMX. Cu e sponsorship di Lotto, Aruba Wieler Bond ta yuda su coachnan cu nan desaroyo, y asina ta influencia positivamente e calidad di training cu e hobennan ta ricibi y consecuentemente e desaroyonan di e hobennan den e deporte aki.

Sr. Kilmurray ta presentando temanan manera "Con pa presenta sesionnan di coaching", "E partnership di e coach y e coredo" y "Desaroyo di un plan anual", combinando teoria cu practica. E cursista cu completa e curso aki por sigui pa Nivel 2 y Nivel 3.

Lotto no solamente ta sponsor y sostene torneonan y deportistanan, pero e desaroyo y progreso di e diferente disciplinanan di deporte na Aruba tambe. Pa medio di yuda fortifica e dirigentenan den diferente deporte, Lotto ta yuda e deporte crece stabiel. Asina tambe Lotto ta motiva nos hendenan pa practica mas deporte y cu e guia apropia pa participa mas den deporte na tur nivel, tanto pa placer como ariba nivel competitivo.

Lotto ta contento di mira 16 participante entusiasma atende na e curso aki, di cual 12 ta masculino y 4 ta femenino. E participacion y interes creciente di hende muhe den deporte di ciclismo ta algo cu Aruba Wieler Bond ta encurasha y e participacion di e hendenan muhe na e curso ta demostra cu nan esfuersonan tin resultado.

Lotto, e loteria di Aruba, ta recauda fondo pa deporte na Aruba pa medio di su productonan Catochi, Big 4, Zodiac, Lotto 5, Lotto di Dia, Mini Mega y Wega di Number Korsou. Pa medio di donacionnan na e comision di subsidio pa deporte e fondonan aki ta wordo distribui na bienestar di nos deportistanan y deporte en general na Aruba. Poco luna pasa Lotto a haci un donacion di mas cu 1 miyon florin na e comision di subsidio, cual ta wordo bon uza, entre otro pa sponsor torneo, participacion den exterior, entrenamento di dirigentenan deportivo y mas.

Comentarionan (2)

Mustra/Kita comentarionan

...

Ami no ta compronde, ta dicon Lotto ta sponser direpente yen bond asina.. No ta Comissie Subsidie ta maneha tur e flow di placa cu ta hinca den deporte. Lotto no ta suppose di focus solamente riba nan core business cu ta lottery, y awor atrobe nos ta wak individualismo sin cu porta projecto nan ta aproba pa Commissie Subsidie.
Si Lotto kier propaganda anto pasa serca tur e bond nan dibiaha pa saca potret..cheese...

amimes , July 24, 2012

• 
• +1
• 
• 

...

Tanto fanfaria paso Canada no twt kier pa Fundashon Lotto pa Deporte tin algo di haber cu deporte. Obliga empleadonan bai den un fundashon sin fondo y sin niun tipo di garantia paso Lotto no kier tin nada di haber cu deporte. Hasta cambia nomber di Lotto pa deporte hasie LOTTO...awo ta pronciando rond cu deporte? Ta ki payasada e cos ki ta?

Ta Basta , July 27, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi