Friday, 24 May 2013
Parlamentario Booshi Wever: Dicon Gobierno no ta bin Parlamento cu e acuerdo di APFA? Print E-mail
Tuesday, 24 July 2012 14:57
DSC_2063
Den curso di siman pasá nos a tuma nota di e hecho cu Gobierno y APFA a yegana un acuerdo, cu en corto ta encera cu tur anja gobierno lo bai paga 3% mas na prima, y esaki te na anja 2026, pues un obligación di mas di 5 anja.

 

Nos tur sa cu na anja 2011, den e dialogo social, gobierno a compromete su mes, por medio di un protocol, cu e lo para garantiapa eventual deficit den e fondo. Esaki a ser poní den un bijlage, cu Gobierno mester duna un "RECHTSGELDIGE GARANTIE". Con esaki mester ser duná y ken mester duna e garantiaaki? Gobierno no mester bin Parlamento cu esaki, pa e acuerdo cu a ser firmá siman pasá, ser aprobá door di Parlamento?


Gobierno ta bisa cunan no mester bin Parlamento, pasobra segun nan, e acuerdo aki ta cai bow di e ley di 2005, cuta bisa cu gobierno mester percura pa sanea e fondo. Pero esaki no por, pasobra nos tur sa cue sa ki tabata pa e saneamento di e tempo ey. Na anja 2005 gobierno anterior a fia 277 miyon pa sanea e situacion di APFA di e momento ey, despues cu a bin sali na cla cu Gobierno AVP/OLA tabatin anjanan sin deposita e primanan na APFA, pues cometiendo ladronicia.  Si no ta asina, dicon gobierno na 2011, cu yen di fanfaria a bisa cunan lo bai para garantia pa cualkier deficit y a pone preto riba blanco?

Algun siman pasá nos a manda un carta pa Standard &Poor’s, notificando nancu e gobierno di AVP ta scondiendo informacion pa nan, y entre otro nos a menciona e debe cu Gobierno tincu APFA. Den e dianan ey, mi a wordo yamá pa tur sorto di cos, te hasta Mike de Mezas a yama mi pa traidor. Nan tabata bisa cu no tin deficit, ni gobierno tabata debe ningun cent preto.

Awor si no tin un deficit y no debe APFA, dicon mester e acuerdo akianto?? Of loke tabata ser bisa den e dia nan ey, atrobe ta un mentira di e gobierno aki? Aparte di sr. Juan David Irausquin, cu a bisa cu e ta contra e areglo di pensioen pa nos ambtenaar nan, nos no por imagina nos mes cu lo tin un otro Parlamentario, cu lo vota contra e acuerdo aki. E ora ey ta lanta cerca nos e pregunta dicon Gobierno no kierbin Parlamento cu e acuerdo akianto?? A menos cu e no kiertin un obligacion legal pa cubri e deficit. Cu otro palabra, si e no bin Parlamento, e acuerdo aki no tin ningun valides huridico. Pues APFA, bow di e circumstancianan aki, no por "OBLIGA" gobierno pa cumpli. Banda di e hecho cu e areglo aki NO ta cai bow di e ley di 2005, e ta un garantia cu mester di aprobacion di Parlamento, y e acuerdo akita un "civielrechtelijkeovereenkomst" cu tin un duracion cu ta mas di 5 aña, cu pues tambe mester bin Parlamento pa aprobacion. Pues un biahamas Mike Eman a tuma henter e directiva di APFA hasi kens, y nos pensionadonan tambe! Pues sin e aprobacion di Parlamento e acuerdo aki NO ta un "RECHTSGELDIGE GARANTIE" conforme e protocol di aña 2011!! Aparte di esaki, ken ta duna e garantia cu e gobierno aki lo cumpli cu esaki? E no ta presupuestá, y ta con lo bai financia esaki? Of: ta aña di campaña, dus ban priminti djie spa gana eleccion, y despues ta drenta den otro dialogo a-social pa masacra e pueblo aki mas ainda?

Manera ya a wordo trecí pa dilanti, esta cu nos no por imagina nos mes cu Mike & Mike lo no haya un aprobacion casi unanime den un Parlamento, e ora ey e pregunta ta dicon gobierno ta insisti di NO bin Parlamento? Ta miedo di kiko tin anto? Of ora cubin Parlamento, e ora ey mundo henter lo sacu Mike & Mike a sconde informacion pa tanto Hulanda y Standard &Poor’s? Miedo nan tin cuesaki lo bin riba nos debe, cunan a nenga di admiti? Miedo nantin cu un biaha mas nan lo wordo desenmascará? Atrobe Mike & Mike kiersigui manipula y camufla cu cifranan pa sigui fia placa pa nos debe nacional sigui crece na un forma desproporcional, pa nan por sigui yena saco di nan mes, y di esnancuta forma parti di e compania Boef&Boef? Pues un biaha mas nos kier a hasi un apelacion na tur fraccion pa nos hasi un peticion na Presidente di Parlamento pa yama un reunion al respecto. Proximamente nos lo manda un peticion pa esaki.

 

 

Comentarionan (16)


Mustra/Kita comentarionan
... , Low-rated comment [Show]
... , Low-rated comment [Show]
...
Na e super machonan cu no tin e curashi di pone nan nomber, atende cu e issue. E unico cumi ta pidi pa bin Parlamento y mi lo vota na fabor di e areglo aki. Dicon boso amonan no ta bin Parlamento?/ Y mi no ta cansa di suplica boso pa bira homber of muher balente y pone boso nomber REAL. Dimi ta real; Candelario (Booshi) Wever y mi adres ta Brazil 163, y di boso????
Candelario Wever , July 24, 2012
...
Un bon conseho na Parlamentario Wever, ta pa no preocupa cu e PREVILEGIADONAN ei, pasobra ya pa masha hopi tempo caba, e PUEBLO LECTOR aki na 24ora.com, mes ta benta nan den un rato di tempo den PRULLEBAK. Sigui concentra y pone tempo ariba e PROYECTONAN DESCABEYA y laga PUEBLO sa di e DESAROYONAN y posibel CORRUPCIONNAN di e GOBIERNO actual, mientras cu PUEBLO mes ta take care di e sinberguenzanan!
!!!BERDAD!!! , July 24, 2012
... , Low-rated comment [Show]
... , Low-rated comment [Show]
...
En todo caso mester cambia e statuut di e fundashon. No por ta asina cu bestuur di APFA por hasi y deshaci cu e fondo cu ta pertenese na hendenan cu a forma e fondo, aportando na e fondo. Bestuur mester por habri buki pa publico wak kiko en realidad ta tumando lugar. Mester revela tambe cual suma di placa cierto comerciantenan lo a haya for di e fondo pa nan projectonan, y pone nan tambe paga bek. Please pone e statuut on-line pa tur hende por lese, y pone tur relato financiero tambe on-line. Si e statuut no wordo cambia, si ta keda saca placa pa cierto comerciantenan, e situashon lo no mehora. No ta gobierno so a haya di e fondo manera por a compronde for di noticia den pasado....
The Observer , July 24, 2012
... , Low-rated comment [Show]
...
Boccshi, asina homber ta papia.Nan tur ta un set di coordinador corupto cu ta trose berdad pa nan AMO.
Helen Ras , July 24, 2012
... , Low-rated comment [Show]
... , Low-rated comment [Show]
... , Low-rated comment [Show]
... , Low-rated comment [Show]
... , Low-rated comment [Show]
... , Low-rated comment [Show]
... , Low-rated comment [Show]

Duna Comentario y/of Comparti riba Social Medi

feedMustra/Kita e formulario di comentario
smaller | bigger

busy
 

Connect with Us

Newsletter