| Parlamentario di MEP Arondino Croes: Promer Minister Mike Eman ta sostene e concepto di energia duradero di MEP |
 |
 |
| Tuesday, 24 July 2012 15:33 |
 Segun e analysis di e bishita aki por constata cu e interes particular ta ariba maneho di energia duradero. Sr. Samson a declara cu e tabata contento di a tende di tur loque a wordo haci caba y kiko mas ta na caminda na Aruba ariba medio ambiente y energia. Parlamentario Arondino Croes ta sumamente contento cu Aruba ta hanja atencion pa e manera cu MEP a inicia e vision ariba energia duradero y sostenibel unda a ejecuta e projecto di parke na Vader Piet cu e 10 molina di biento (30Mw). Aki nos por wak cu elogio grandi a wordo duna pa e forma con MEP a cuminsa e proceso aki asina stimulando y inspirando e Promer Minister Mike Eman den e direccion aki. Ademas di esaki partido MEP a laga inverti den e projecto na WEB den e planta di Reverse Osmosis y motornan RECIP pa usa alrededor di 40 % menos fuel. Tur esaki partido MEP a laga atras como tesoro nan valioso pa pueblo por hanja e reconocimento globalmente y en especial di Hulanda. Ariba e area di medio ambiente tambe partido MEP como parti di cumpli cu reserva y proteha nos naturalesa a inicia e proyecto Parke Nacional Arikok. Parlamentario Arondino Croes ta opina cu esaki Aruba como pais a conserva e secion necesario pa garantisa e sosten na nos medio ambiente manera norman internacional ta prescribi. Partido MEP a sigi ariba e vision aki pa duna contenido na nos medio ambiente unda a inicia y ejecuta e projecto di zoning unda a asigna diferente area na Aruba como parti nan di areanan verde (groene zone) especialmente ora di verkavelingsplan. Parlamentario Arondino Croes ta convenci cu Partij van de Arbeid bao di liderasco di Sr. Diederick Samsom cu ta e partido ruman di partido MEP ariba e base di mesun filosofia di social democrata lo uni ariba e continuacion di proyectonan di energia duradero y sostenibel como tambe ariba medio ambiente pa pais Aruba cu partido MEP.
Comentarionan (7)Mustra/Kita comentarionan ...
@Rod, Danki pa RECORDA PUEBLO, di e PROME LOGRO di nos Minister di KAPITAALVERNIETIGING, cu den TEMPO record a sabi di BOYCOTEA e proyecto di PARKIETENBOS, pa cumpli manera tur cos tabata indica e tempo ei, cu SPONSERNAN di CAMPANJA 2009. PUEBLO lo no LUBIDA NUNCA con e proyecto a worde BOYCOTEA, y den un proximo GOBERNACION e Minister aki MESTER worde teni RESPONSABEL!
,
July 24, 2012
Duna Comentario y/of Comparti riba Social Medi |
Mustra/Kita e formulario di comentario
