| Rene Herdé: Masha Masha Danki! |
 |
 |
| Tuesday, 24 July 2012 16:27 |
 Ayera e miembro di parlamento Rene Herdé a cuminsa traha oficialmente atrobe. Ela prsenta den e conferencia di prensa di su fraccion AVP y a cuminsa cu yama danki na tur hende cu a yuda , resa y desea e bon durante di su enfermedad cu a tene ausente pa casi 8 siman. "MASHA MASHA DANKI!" Danki pa tur e bon deseonan pa mi pronto recuperacion.
Danki pa e sosten na mi y mi famia. Danki pa tur e oracionnan haci pa mi salud y danki pa tur e consehonan pa mi cuida mi salud y tur e sopi di galiña cu mi a haya pa mi co'i forsa. E ta haci Bo bon pa sa cu Bo famia y amigonan, bisiña y coleganan, conocirnan y hende cu Bo no ni conoce, ta desea Bo bon y ta resa pa Bo. Na tur sin excepcion, danki, masha masha danki!!!" Rene Herdé a bisa cu e ta bek den bon condicion y cla pa tur e trabou cu ta spera parlamento den fin di e aña aki. Tin un cantidad grandi di asuntonan cu tin pa atende. Tin e ley, acuerdo y maneho di gobierno den areanan di salubridad, infrastructura, enseñansa, energia, pensioen, labor, etc. Banda esaki tin e asuntonan cu parlamento mes tin cu trata manera e presupuestonan pa 2013 y leynan cu tin pendiente. |
Mustra/Kita e formulario di comentario
