| Lainda Westerhof: Huda Camp a bishita Parlamento di Aruba |
 |
 |
| Tuesday, 24 July 2012 16:39 | |||
 Diamars parlamentario Lainda Westerhof hunto cu su coleganan Parlamentario a ricibi bishita di Huda Camp na Parlamento di Aruba. Un grupo di voluntario cu pa añanan ta organisa for di Centro di Bario y Deporte Dakota un cantidad di actividad pa nos muchanan. Parlamentario Westerhof ta desea di felicita e lidernan di Huda Camp pa nan pasenshi y dedicacion y specialmente señora Editha Lake cu ta encarga pa añanan caba cu organisacion aki bira realidad. E Parlamentario tin admiracion pa actividadnan asina, cu tin como meta mantene nos muchanan den un forma sano ocupa den nan tempo liber. Esnan cu ta guia e tipo di gruponan asina merece un “schouderklopje” pa tin e amor, dedicacion y pasenshi pa dedica tempo na nos muchanan den nan tempo liber. Esakinan ta actividadnan sano cu ta stimula e crecemento di e mucha den un forma sano, positivo y creativo. Parlamentario Lainda Westerhof ta desea di felicita tur e otro gruponan cu den vakantie sa di entretene nos muchanan. “Hopi bon trabao y sigui asina paso actividadnan asina nos hobennan y muchanan sigur tin mester!” E parlamentario a remarca por ultimo.
|
Mustra/Kita e formulario di comentario
