| WEB ta introduci uso di Biodiesel pa su ekipo pisa |
 |
 |
| Tuesday, 24 July 2012 16:47 |
 Te awor WEB tawata uza diesel tradicional como su fuente di energia principal pa su flota di forklift, grua, compressor y generadornan. Den cuadro di e vision di Gobierno di Aruba pa promove mas tanto uzo di energia sostenibel, a investiga e posibilidadnan di uzo di biodiesel como alternativa pa diesel tradicional. A bin resulta cu biodiesel ta emiti menos carbon, ta mas safe y por ta mas confiabel riba termino largo. Director di WEB Aruba Oslin Boekhoudt den presencia di Gregory Fung-A-Fat di BioFuel Aruba y empleadonan di e compania productor di awa y energia, pa prome biaha a yena tanki di un forklift di WEB cu BioDiesel. WEB ta e di dos compania aki na Aruba cu ta uzando biodiesel. Den e caso aki ta traha cu B5, un combinacion di 5% azeta dushi y 95% diesel. Ingeniero tecnico di WEB Aruba, Robert de Cuba, a splica cu esaki ta un pilot test di algun luna cu un forklift. Si e test resulta positivo, lo test tambe e otro combinacionnan di biodiesel pa gradualmente hisa e cantidad di azeta dushi procesa y baha e cantidad di diesel tradicional te ora yega na uza 100% biodiesel. E potretnan ta duna un impresion di e inauguracion cu a tuma luga na planta di WEB Aruba. Comentarionan (2)Mustra/Kita comentarionan ...
Otro ambtenaar cu side job....increible. Gobierno ta pone lei y nuin hende no ta respeta.....hasta bende cu compania di gobierno mes!!!
,
July 24, 2012
...
Yen di hende cu no tin niks te maken cu e deposito di diesel y mantenemento di e forklifternan
ta para show.Mi no ta spera cu nan yena e pay-loader y e PH-krane pasobro esey lo ta nan final. A studia kiko e gum di azeta ey ta haci den e cilindernan. Ora ta laat lo hanja sa. Pakiko e hendenan aki no ta trata di bende e diesel aki na e stationnan.? Pasobra e autonan ta perde nan garantia di biaha.Ningun garage lo acepta esey.
,
July 24, 2012
Duna Comentario y/of Comparti riba Social Medi |
Mustra/Kita e formulario di comentario
