| Booshi Wever:Conforme calculacionnan di WEB ya caba entrante 1 di Augustus proximo por baha prijs di awa y coriente cu 33%! y no mester bay dialogo social! |
 |
 |
| Tuesday, 24 July 2012 19:08 |
 Despues di un periodo di basta luna, na unda prijs di petrOleo tabata conoce aumentonan drastico riba mercado internacional, nos a tuma nota cu e ultimo lunanan e prijs di petroleo a baha considerabelmente. Manera nos tur sa, cada pasa un cierto periodo e prijs di awa y coriente ta wordo adaptá conforme e fluctuacion aki riba mercado internacional. Si algun luna pasá, e prijs di awa y coriente tabata wordo calculá na un prijs di petroleo di $ 100,=, recientemente WEB a hasi un recalculacion di e prijs aki, y a yega na e conclusion cu entrante 1 di augustus 2012, e prijs di awa y coriente lo ser calcula na un prijs di 33% menos cu e ta awor. Informacion cu nos a haya ta cu Gobierno a notifica gerencia di WEB, cu nan NO mag di a baha esaki entrante 1 di augustus, pasobra MIKE & MIKE kier hiba e rebaho aki den e dialogo social cu lo bai tuma lugar cuminzando 7 di augustus proximo. Treciendo e rebaho aki den e dialogo social, lo por habri caminda pa Mike & Mike pa trata na manipula e gremionan atrobe; e dicho “schoenmaker, blijf bij je leest” mester ser sigui aki, pues mester permiti e expertonan di WEB haci e calculacionnan di e adaptacionnan, y no laga e laiconan riba e tereno aki bin bruha cos.E pregunta ta dicon ora di aumento, ta aplica esaki mesora, y awor cu ta un rebaho substancial, no ta hasie mesora, pero ta warda riba un dialogo social? Pueblo por imagina su mes, un gobierno no ta laga ningun cos pasa pa nan hasi show cu n’e, ni si esaki ta causa dolor cerca e pueblo. Mike Eman awor kier hasi un show, cu ta bai calcula e prijs riba e inversionnan cu nan lo a hasi, etc. etc., atrobe un mentira. E rebaho aki ta simpelmente un recalculacion cu periodicamente WEB ta hasi. Nos ta spera cu e sindicatonan no cai den e wega aki di Mike & Mike atrobe. E calculacion "Bedrijfsmatig" di prijs di awa y coriente cu WEB a hasi, a pone WEB yega na e conclusion - door di e prijs di petroleo (y nada otro) - cu tin espacio pa baha e prijs di awa y coriente cu 33% entrante 1 di augustus, y no mester warda ningun dialogo social pa dicidi esaki. Ta ki dia e show y e fantocheria di e gobierno aki ta caba? E gobierno aki no tin ningun influencia riba e rebaho aki, y no a hasi nada pa hasi e rebaho aki posibel, ta simpelmente e prijs di petroleo cu a baha, a haci cu nos lo bai conoce e rebaho aki. Nos ta spera tambe cu si prijs di petroleo subi, gobierno bai dialogo social tambe pa discuti e aumento ey. Pues si realmente Mike & Mike kier pueblo bon, duna WEB green light pa anuncia e rebaho di 33% entrante 1 di augustus manera tabata e intencion di gerencia di WEB. Comentarionan (11)Mustra/Kita comentarionan ...
Te ainda GOBIERNO, despues di casi 3 aña di GOBERNACION, a haci 0,0 pa REDUCI prijs di AWA Y CORIENTE! PUEBLO ta su SO, y MESTER depende pa MERCADO INTERNACIONAL pa REDUCI e Prijs, pasobra, ARUBA, A KIES un GOBIERNO cu no ta SIRBI pa NADA. NAN ta INTRODUCI un CANTIDAD di MEDIDA pa saca PLAKA for di CARTERA di PUEBLO y awo PUEBLO ta worde COMFRONTA tambe cu AUMENTO GENERAL di GRONDBELASTING!
,
July 24, 2012
...
Na esunnan cu e sapato ta pas: honestyfirst, justicIa, MCR, B., Dog: bo no ta weita cu Mike ta hortando ABO tambe? A no ser cu e ta paga bo cuenta di awa y corriente! NO ta 4 florin e mester baha e prijs di awa; ta 33% ! manera Candelario a splica! Pero ya, bo por saca burico for di mondi, pero e mondi for di e burico, no!...Ey lo bo keda! BESTIA y CIEGO! Sigui adora e man ey! Lo bo ta e unico c*lpabel di e desaster di bo yiunan y bo nietonan!
Abuso di otro mundo!
,
July 25, 2012
Duna Comentario y/of Comparti riba Social Medi |
Mustra/Kita e formulario di comentario
