| Presidente di Algemene Rekenkamer Gabriel Werleman a sigura cu dia 31 di augustus Parlamento tin tur cuentanan anual di Aruba |
 |
 |
| Tuesday, 24 July 2012 19:25 |
|
Cu un sonrisa grandi riba su cara Presidente di Algemene Rekenkamer Gabriel Werleman, compaña pa Frederick Nuboer, Jenny Croes y Maruschka Tromp a ricibi e prome cuenta anual di pais Aruba for di man di Prome Minister Eman y Minister de Meza. “Mi ta gradici gobierno di Aruba pa e entrega di jaarrekening 2011”. Sr.Werleman a splica cu dia 31 di augustus e cuenta anual 2011 y tur esnan prome cu ne ta bay wordo entrega na Parlamento di Aruba. “Comunidad di Aruba por ta convenci di esaki. Cu entrega di e cuentanan anual di 2011 y di tur e añanan anterior por bisa cu Algemene Rekenkamer, Parlamento y Gobierno di Aruba di awor pa dilanti ta ‘bij’ cu e cuentanan y nos mester percura pa esaki keda asina tambe”. Sr.Werleman a splica cu e ‘bottomline’ di e presupuesto ta e jaarrekening. “E comunidad tin derecho pa sa kico a pasa cu e placa di belasting cu el a paga y nos trabou ta pa ‘toets’ esey”. Dirigiendo su mes na Ministernan Eman y de Meza sr.Werleman a bisa “Boso por ta convenci cu Algemene Rekenkamer lo bay den detaye, lo bay exigi mas y na mes momento mi ta convenci cu boso lo cumpli cu tur esaki y cu den futuro Aruba ta keda tin un bon jaarrekening”. |
Mustra/Kita e formulario di comentario
E falta di transparencia, e mal gobernacion, e estimulo pa sali di ley y actua
como un set di gangster....esaki tabata e herencia di MEP pa Aruba. Pa bien na
Minister Eman y de Meza y na henter gobierno di AVP cu ta exigi un maximo di
transparencia. Sr. Werleman tin tur razon, e bon gobernacion ta un ehercicio constante
basa riba exigencia y control !!!!!