| Chofer di pickup no tin nada di haber cu accidente fatal di Quad Racer na Tanki Leendert |
 |
 |
| Tuesday, 24 July 2012 22:30 |
|
A base di declaracionnan di otronan cu tambe tabata riba Quad Racer a pone cu polis a bai tras di e chofer di e pickup blanco. Tur cos ta mustra cu e declaracionnan duna pa e chofer di e pickup ta cuadra exacamente tambe cu loke a sosode. E chofer di e pickup tabata coriendo riba e caminda di Paradera pasando rotonde biniendo direccion pabao. Na caminda tabata tin su dilanti tres quadracer. Su tras tambe tabata tin mas quadracer coriendo. E victima tabata e di dos quadracer entre e tresnan dilanti di e pickup. E chofer di e pickup ningun rato so a sali dilanti di e hoben manehador cu mas bien a perde control parce y bai dal den e baranca cu e palo di luz segun informacion. E chofer di e pickup a baha mira e situacion y te hasta el a nota con e hoben a hala un rosea grandi y muri. El a subi su auto despues y bandona e sitio. Un dama riba quadracr cu un homber a cuminsa grita pa yama polis. E pareha aki y algun otro a cuminsa duna declaracion cu a haci e chofer di e pickup un sospechoso. Netamente esnan coriendo tras di e victima ta algun cu a duna declaracion bruha. Ora cu polis a tuma declaracion di e chofer di e pickup nan a ripara cu e declaracion di e chofer ta cuadra cu nan investigacion. Pues no tabata tin motibo pa detene tampoco. E no a ocasiona e desgracia pero mas bien tabata eybanda coriendo tras di e quadracernan riba caminda y a mira si con e hoben a baha caminda dal muri. Bisando esaki nifica cu awor e chofer su nomber ta limpi cerca polis. Kiko ta e motibo cu e otronan riba quadracer mester a duna un declaracion bruha asina no ta conoci. Pa colmo entre esnan cu a declara tin te hasta miembro den farandula. Comentarionan (17)Mustra/Kita comentarionan ...
1. Condolencia na e famia, KPA of e ley/ordenansa cu ta regula e trafico en total riba Aruba mester cuminsa pensa riba admicion riba caretera publico e tan conoci ATV (All Terr. Veh.). Wak cuanto accidente cu e ATV ta tuma lugar, tin di nan e driver ta keda basta lesiona pa hopi tempo largo. Na USA bo no ta wak e model di transporte aki corre riba careteranan publico. Anochi cu e trafico contrario ta pasa banda di otro ta hopi dificil pa destingui unda no tin luz, tin di nan tin 1 lus , otro model tin 2 y ta confundibo si ta un brommer of no. Nan ta mas hancho cu un brommer y e chens cu auto por haknan; nan ta vulnerabel y traicionero pa stuur, e ta dunabo di pensa cu e ta mas sigur door cu e ta riba 4 wiel, pero no tin e mesun afecto cu auto. Gobierno cuminsa pensa pronto, mas accidenta lo sigui tuma lugar.
E driver tin 16 aña, cua Comp. di huur a permiti esaki....
,
July 25, 2012
...
Wel wel, unda ta keda tur e hendenan CHAMBON cu tbt tira c*lpa riba e supuesto 'asesino' cu a 'corta' dilanti di e pober hoben? Manera m'a comenta riba e artic*lo anterior, ta e quads ta insigur riba caminda asfalta y pio cu un nobato tras stuur. Ki dia nos autoridad chambon y e cabritonan di DTI ta stop e uso di quads riba caminda publico? Ki dia nos ta bay respeta recomendacionan cu ta bin cu productonan foi fabrica? Ki dia nos ta bira responsabel riba nos free for Island? Claro ta dificil, paso mandatarionan y autoridadnan cu mester vigila seguridad na Aruba y nan family & friends tin quads, y pa completa e rij di bochorno: tin auto cu glass full tinted scur, tin luznan blauw y blanco (contra ley di trafico), stuurmento cu telefon na orea, coremento di auto intoxica. Nos por waak cu niun parlamentario a recomenda cambionan di ley pa combati e kkdanan na Aruba pasobra nan mes ta practicante di Bochorno, nos c*ltura Nacional.
,
July 25, 2012
...
Responsabilidad ta keda na cada mayor cu ta huur un quad pa un menor di edad. Busca un autopet pa e menor di edad.
Diamars atardi mi a Arashi mi a wak hopi hende ta core banda di caminda y riba caminda traha pa auto core. natural mente mi ta baha mi speed pa mi no dal hende cu ta train pero lastimamente mi a wak den spiel mi ta wak con auto grandi manera blazer ta bin fullspeed pasa mi pasa pega pega di e personanan cu ta train.despues bira bai na e cas nan cu tin eibanda, cu cuater mucha ta baha for di auto, cu nan tin rijbewijs mi ta duda e forma con nan ta comporta na mes den trafico. pa mi tanto e auto y e hendenan cu ta trai ta fout bezig. Mandatarionan pls hasi algo pa e coredornan aki, separanan dos for di orto. pa mañan nan ta bisa un accident a sosode.
,
July 25, 2012
...
Mi disc*lpa na e chofer cu mi por a husga bo malo. Bon di bo parti cu bo a bai polis pa aclarea full e situacion y pa e hobennan por a tuma nan responsabilidad cu ta nan mes tabata core pa loko y asina carga e consequencia di nan actonan.
,
July 25, 2012
...
FOUT: na tur cu ta duna na comentario cu ta bisa malo di e auto. Si mujer bai laga bo of homber, no ta c*lpa di e sun cu a bai cune, e sei ta bo c*lpa di no warda te ora un noticia keda cla.Cu Dios ta pordona boso.Amen.
,
July 25, 2012
...
Lesando e declaracion aki riba......mi por pensa cu e mucha lo a hanja un heatstroke/heart-attack/ of e cansansio di ta henter un dia den solo....cu su wowonan a bira scur....cu por a hunga un rol cu ela perde control ariba e stuur di e quad.
Mi no ta dokter.....pero mi ta usa mi commonsense. Paz na su restonan.
,
July 25, 2012
...
Si ta berdad. Ta e coredornan di ATV's ta responsabel pa nan hechonan. Tin ta core normal y tranquilo, pero bo ta haya esunnan cu ta racehell cu e ATV's. Pasabo na man robes mientrastanto di otro banda ta bin trafico. Tin biaha tambe bo ta mira nan hasi hopi buya cu nan ATV. HAsiendo desordo tambe. E driver mes no tin cunes ta cn e ta core.
Ta te ora algo grave pasa e ora ey e ta bai sinti su mes c*lpable. Ban poco poco manehadornan di ATV's. Core normal riba caretera segun reglas di trafico.
,
July 25, 2012
...
Parce cu hopi di nos hendenan no ta bira adulto nunca. Nan ta subi den anja pero e celebro ta keda riba nivel di kleuter, ta puro fantasia nan ta traha den nan cabez. Awor un ta bisa cu e'n ta dokter pero e ta duna full un diagnose. Parce cu mayoria ta lesa letter pero no ta capta e contenido di un artic*lo, aviso of buki. E mucha a slip riba santo riba caminda, santo cu bo ta hanja riba caminda na casi tur cruzada na Aruba pasobra 1 bez pa anja e auto pa haci caminda limpi ta pasa. Consultando cifranan di centraal bureau statistiek tocante nivel general di educacion na Aruba, mi ta compronde e comentarionan pueril di nos compatriotanan den media escrito y oral. Sigur nos ta un Isla di 5 estreya
 . Nos ta rabia ora e Hulandes ta bisa cu nos ta un 'vissers dorp', een stel geitenneukers pero ya, esey basta di nos hende ta desplega.
,
July 25, 2012
...
Ta berdad cu tin baiz riba borchi di rijles pero esey no kier meen cu den realidad bo ta safe riba un baiz den nos trafico caotico e insigur. Un ciclista cu sano huicio mester sa unda por core baiz y unda ta sumamente peligroso. Na Hulanda, Merca y kalke otro pais ta prohibi core baiz riba camindanan cu hopi trafico motoriza y hamas riba high ways. E hecho ta, cu 95% di quads of trikes no a wordo traha pa uso riba caretera, cu algun excepcion cu ta parce un sort’i jeep chikito full equipa pero cu otro tipo di chasis y tiranan eseynan si, por wordo usa den trafico normal. Mi ta hanja echt ridic*lo cu un persona ta bisa cu e advertencia cu simbulo di exclamacion riba e stickernan ta unicamente un 'recomendacion', bo'n ta kere cu ta prudente sigui recomendacion dje fabrica cu a traha nan? Na Aruba nos ta play wise pero ora cos ta caba na tragedia nos ta cuminza punta dede riba otronan. Tuma boso RESPONSABILIDAD! Un morto den trafico, ta un morto dimas.
,
July 25, 2012
...
Dios ta grandi e no ta drumi... E meneer di e pick up ey bo dia lo hunga tardi of trempan... no lubida nunka esey. Algo cumi no por caba di compronde dicon bo a para bo auto di tal manera riba e caminda cu "supuestamente" twt stroba trafico y no na banda manera tur otro driver nan na aruba of otro pais ta hasi ora algo sosode riba caminda. Y tambe dkn bo a bandona e sitio di biaha y no warda riba polis pa duna bo declarashon di biaha mirando cu "abo" a mira con e accident "supuestamente" a pasa. Un persona manera bo no tin curason ni sentimiento y un cos bo ta lubida cubo tambe tin famia y e cos ey por a sosode cu cualkier miembro di bo famia. Mi ta kere bo tambe lo kier pa husticia tuma lugar mescos cu e famia di e defunto kier esey. Pero no lubida DIOS TA GRANDI E TA MIRA TUR COS E NO TA DRUMI.
,
July 26, 2012
Duna Comentario y/of Comparti riba Social Medi |
Mustra/Kita e formulario di comentario
