Monday, 20 May 2013
Dog Catcher pa Polis ta bek! Print E-mail
Tuesday, 24 July 2012 23:15

polis001

Pa hopi anja e Dog Catcher di polis no tabata tey. Pa mas cu un decada poco poco e palabra Dog Catcher a perde contenido den seno policial y cerca esnan riba caya. Ta autonan cu polis ta usa pa bai razzianan den caya grandi e temponan aya ora di pelea etc.

Tambe anochinan cu problema sea polisnan ta yega na batayon den Dog Catcher of nan ta use pa hiba esnan deteni den pelea etc warda. E palabra aki tabata masha usa. Ultimo temponan aki polisnan a haya nan mes cu problema cerca ministerio publico pasobra a transporta detenido den un forma inhumano. Tin cu te hasta a ser laga den libertad pa e motibo aki. Awor en adelante tur e cosnan aki ta pa pasado pasobra e Dog Catcher tey bek y esaki ta uno full ekipa. E tin un espacio pa diez detenido sinta patras. Un total di cuater Dog Catcher polisnan a haya y cada distrito lo haya uno pa brinda e transporte di detenido mas mihor. Polisnan mes ta contento cu nan a haya un tremendo Dog Catcher cu lo brinda servicio sigur algun anja largo.

Comentarionan (4)


Mustra/Kita comentarionan
...
Holo hopi tempo, antes nan ta bin di sorpresa pasa banda unda nos ta hunga wega di placa, (chip) nan ta bin bai cu nos tur cu ta hunga wga.
E ta un van di kipashi cu boter di vicks blau riba dje. Y unda cu tin grupo lat anochi nan ta bai cubo. Awor ta e grupo ta core cu nan.
Positivo ta ban respeta polis.
alfa Stary , July 25, 2012
...
Poco poco pero sigur tur cos ta wordu drecha y juda na Aruba ..... anto ainda bo tin un paar di hende na Aruba ta grita cu e gobierno aki no ta haci nada.
dog , July 25, 2012
...
Nan por a cambia e nomber den Chollercather....miho ta eseynan nan tey catch!
##### , July 25, 2012
...
Ta esaki e ta? Dog, ok, ma comprende. Los peros ladran y la caravana pasa.Sigui asina pa hopi ana mas.
waf waf , July 25, 2012

Duna Comentario y/of Comparti riba Social Medi

feedMustra/Kita e formulario di comentario
smaller | bigger

busy
 

Connect with Us

Newsletter