| Futbol su cashi di redashi Britannia ta reforza, Bubali yen di cambio y Caiquetio hermeticamente keto |
 |
 |
| Thursday, 26 July 2012 09:47 |
 Entre awor cu 15 di Augustus cu ta e fecha cu oficialmente e overschrijving di jugadornan ta sera, ta hopi rumornan lo tin ta core. Speculashon nan na granel. Algun lo bende e cuero di e baca promer cu nan mate, y otro nan no kier bisa nada te ora e baca ta morto. Y esunan cu ta dilanti biento. E baca ya ta riba grill y ta warda nan ta bezig ta warda pa campeonato cuminsa. Aunque nada por wordu bisa tanten cu careda di bina no caba, aki ta caminda tur cos ta cuminsa. E rumornan ta cuminsa hanja bida akinan, den e section di “Cashi di Redashi.” Pa e promer edishon di “Futbol su Cashi di Redashi,” nos lo check tur loke ta broei rond di e tres team nan, Britannia, Bubali y Caiquetio. Nos lo hacie den forma alfabetico. Britannia E “pumanan di Piedra Plat” a faya di yega final pa di dos anja consecutivo y awor lo tin cu pasa den un “overhaul” completo. E retiro di president Richard Dijkhoff pa motibo nan personal sigui pa e baymento di e Director Technico Jonathan Lake a pone cu Britannia mester practicamente cuminsa di nobo. Pa e campeonato 2012/ 2013 e team panadero lo conoce un Entrendor y staff technico nobo. Pa es motibo aki Britannia ta pensando di trese un entrenador professional di Venezuela, specificamente di e club professional Trujillanos F.C. Tambe lo tin 3 jugador cu lo ta biniendo riba prestamo pa un anja pa asina reforza e Puma nan y purba trece e titulo bek pa Piedra Plat. Un projecto bastante ambisioso pero cu poco tempo pa logra exito. E ta un projecto a corto plazo cu lo exigi fruto nan imediato. Britannia ta pone tur su ficha nan riba e plan aki, y tempo lo bisa si e tawata un bon decishon of no. E posishon di Presidente lo wordu yena den e proximo reunion nan general, pues e Puma nan ta hopi bezig den e “off season.” Tambe tin menshona cu nan ta tras di Enzo Parra y Deffery “CD” Banton di Nacional. Tambe ta hibando un di e prospecto nan mas grandi cu Bubali tin den su farm cu ta Sebastian Montoya. Pues Britannia lo tin dos Sebastian Montoya pa e siguente campoenato. Bubali E Orguyonan di Noord tambe lo tin basta trabou den e off season. Despues cu entrendor Gregory “Pipi” Tromp a informa directiva cu e no lo bolbe como hoofd trainer. E team di Bubali mester a pasa den full un proceso pa busca un entrenador nobo. Nos fuente nan extra official a informa nos cu Win Helder lo ta e entrenador nobo y lo wordu asisti pa Fernando Tromp. Win Helder ta bolbe bek na cabez di un team despues di un auscencia basta largo y lo tin un trabou basta grandi su dilianti. E salida di Carlos Valladares, Raully y Brian Wiersma, practicamente ta full e sona di bolante a ser desmantela. Junto e ida di Sebastian Montoya pa Britannia y e possible traspaso di Tyron Maria pa La Fama, e orguyonan di Noord lo tin cu re inventa nan mes un vez mas. Cos no ta di canta Macamba den e campamento berde cu blanco pero ta e novela di tur anja. E team di Bubali a pasa den varios crisis den off season e ultimo anja nan, pero esaki por ta esun mas pisa y ta keda na wak awor con e directiva di Bubali lo reakshona dilanti e desafio aki. Caiquetio E Cacique nan di Paradera ta bolbe Division di Honor despues di basta tempo y ta drenta via e porta grandi, como Campeon di Division Uno. Riba e ultimo fecha di e campeonato den un wega carga cu nervio e team di Caicquetio ta gana Arsenal y ta logra kita e titulo di Sporting cu tawata lider pa casi full e campeonato. Rafael “Rafa” Vanegas tawata e homber cu a guia e Cacique nan na e tera priminti, pero su viaje ta yega te eynan, ya cu e ta bolbiendo bek cas, esta RCA. E tawata un sonjo di dje di por dirigi e team unda cu e la hunga full su carera. Porfin e porta a habri pe y e no a basila pa tuma e reto aki. Caiquetio tambe mester a sondia pa un entrenador nobo y a logra yega na un acuerdo cu Edgar “Gachi” Erasmus. E lo wordu acompanja pa Richinel Maduro. E no lo ta un trabou facil ya cu tuma un team over cu a caba di promove pa division di Honor tin su dolornan di cabez. Den e parti di refuerzo nan si no por a saka nada afor ya cu Presidente di Caiquetio Eric Croes no kier a divulga nada, y a keda hermeticamente sera. E kier warda te ora tur cos ta concretiza. Si ta papiando cu varios jugador, pero no por spera nada di “Block Buster” deal. Pa mas informashon sigui nos riba www.AvbAruba.aw of riba facebook.com/avbaruba
Comentarionan (3)Mustra/Kita comentarionan ...
Jorgito (Arsenal) mi ta bin pabo!!!! bo tin ta un talento pa ta un hoofdklasser.
,
July 26, 2012
...
bvrcrd I like you on facebook and follow through google reader!,michael kors canada outlet www.canadamichaelkors.ca 584026
,
October 10, 2012
Duna Comentario y/of Comparti riba Social Medi |
Mustra/Kita e formulario di comentario
Arsenal tin jen di talento. Jen di teamnan ta bin cu boshi promesa na nos talentonan y nada di cumplimento.
Arsenal Guysnan please no cay pa e mentira di e teamnan aki.
Arsenal tur dia !!