| AZV ta keda mara na BIG Registratie pa tuma docternan di cas den servicio |
 |
 |
| Thursday, 26 July 2012 17:34 |
 Den un entrevista cu Solange Tchong, vocero di AZV, el a splica riba dos aspecto cu tin di haber cu atencion di pacient door di dokternan di cas. Na prome lugar e hecho cu AZV ta mara ora di contrata dokternan na e BIG Registratie di Hulanda y Europa, loke ta nifica cu pa nan tuma un dokter di cas den servicio e mester tin e BIG aki of mustra cu un documento cu nan tin algo igual na BIG.
Tchong a splica cu e tin entendi cu nan ta bezig cu skirbimento di un ley cu lo ser presenta pa introduci un Aruba BIG Registratie, caminda tur e reglamentonan cu un studiante mester cumpli cune si e ta scoge pa studia medicina den Latinoamerica, ta hancra. Esnan cu no tin un BIG Registratie mester presenta un documento cu ta acredita nan cu un nivel similar. Tocante e cantidad maximo di pacientnan cu cada dokter di cas por tuma, na Aruba ta 1600. Na e cifra aki a yega den e ultimo reunion entre AZV y Asociacion di Huisdokternan. Na Hulanda ta 2400 pacient maximo y AZV a duna e dokternan di cas e opcion pa keda cu 2400 mescos cu na Hulanda of habri espacio pa ricibi un tiki mas. E opcion ultimo aki ta esun cu ambos instancia a conclui cu ta posible na Aruba y pesey a dicidi cu 2600 ta bon garantizando e cuido medico adecua pa cada asegurado di AZV. Tambe asina nan por ta al tanto cual ta e dokternan di cas cu tin cupo habri, y un bez mas e vocero di AZV a recorda e pacientnan di dokter Kelly pa acudi na un di e seis dokternan cu el a menciona y cu a publica den articulo anterior y e invitacion aki tambe ta pa e aseguradonan nobo cu a caba di inscribi of ta bay inscribi na AZV.
Comentarionan (6)Mustra/Kita comentarionan ...
Dicon den e caso aki nos ta compara cu Hullanda y den otro cosnan no?Na Hullanda no tin klasverdeling den hospital ( eerste en tweede klas pacient )manera tin na Aruba.Na Hullanda e wachtijd nan no asina largo manera Aruba cu ta hopi mas chiquito.E style di BIG ta un monopolio pa e otro Dokter nan latino no participa den por traha na Aruba y nan tin mas conocimiento di nos malesa nan y c*ltura plus nos idioma .Ata tur hende ta manda AZV mis ta manda patient nan Venezuela of Colombia nos no mester volg tur cos cu Hullanda bisa of copia nan.BIG tambe por nifica Buitengewoon Individuele Gezondheidzorg BIG> esei Aruba mester.Si nos tin mas Hospital of Academish Ziekenhuis e ora ei mi por comprende AZV ta jammer cu politiek mester bemoei dicon e no ta sector priva ainda manera e Duane di Aruba.?Tin hopi di nos Dokter nan ta studia den latino /Caribe corda tene cuenta cu esei....of obliga nos Arubane dokter nan bin traha na Aruba...tambe ta un option...
,
July 26, 2012
...
Aruba no tin Neurologo,ta un so nos tin ,tur luna nos ta busca hulandesnan,cu no por papia papiamento etc,dicon nos no por busca ,Venezolano of Colombiano of de donde seja,nos patientnan ta bai Colombia pa opera unda e exigencia di BIG ta eynan?Ami ta hanja cu anos cu ta pagando AZV tambe tin algo di bisa,un specialista cu ta bin pa un luna no ta e solucion
ARUBA QUO VADIS!!!!!!!!!!!!1
,
July 26, 2012
...
Si AZV ta mantene BIG Registratie anto ora di manda nos como pashent afor PLEASE manda nos unda e docternan / Hospitalnan cu tambe ta mantene BIG Registratie!!!!.
,
July 27, 2012
...
Hullanda no tin e mihor dokter nan di mundo tin hopi hende ta muri door di medicijnen vergiftiging,mal trabow cancer pero nan tin un bon opleiding mescos cu otro caminda manera USU,COLOMBIA,COSTARICA si nos keda malcria e macamba nan aki como huisarts of pa traha den nos hospital aki na poco tempo tur nos joeinan di terra cu ta Huisarts tur ta bai for di Aruba .E ausnto di BIG ta un monopolio bon hinka den otro pa e macamba nan bin hasi kiko cu nan kier cu nos hende nan esei ta e wega. Manda nos pacient nan directamente Hullanda...eigelijk ta e pacientnan mester bisa unda nan kier bai..si tur e pacient nan manda un petition of carta di descontento einan nos por meet con malcontento hopi di nos ta...einan por check e berdad..kon ok kiko nos ta pensa tocante e tema aki..Check nos temperatura den e caso aki anto...Face the Fact....
,
July 28, 2012
...
Awor na Hullanda te hasta nan ta bai stop medicina pa algun malesa paso e medicina ta mucho caro ta ki klase di hende eseinan ta di tur e anja nan di winst y bezuiniging nan ta keha so...Mi hende nan ta tempo di alternativa ta tempo di acudi cu naturalesa di Dios...paso e College voor Zorgverzekeringen (na Hullanda)kier stop di vergoed medicina > pa cuminsa riba e malesa nan di ziekte van Pompe y Fabry y despues ta sigi Cancer,Cronische ziekten ect.. asina ta mi hende nan paga tino paso tur esakinan por bini Aruba ...Einan nos por wak cu ta puro business e asunto di medicina ta >Habri wowo y cambia bo life style....pa mihor...
,
July 31, 2012
Duna Comentario y/of Comparti riba Social Medi |
Mustra/Kita e formulario di comentario
