| Parlamentario Booshi Wever: Sugerencia na sindicalistanan pa condiciona nan participacion den dialogo social na rebaho di prijs di awa y corriente entrante 1 di juli 2012, y na minimo 33%! |
 |
 |
| Friday, 27 July 2012 14:16 |
 Zapatero, a tus sapatos! Laga e expertonan - kendenan ta e uniconan cu, a base di cifra y proyeccionnan, por evalua si un rebaho, of un aumento, ta na su lugar - determina na ki momento y cu cuanto, e rebaho, of e aumento, por tuma lugar. Si considera cu den e ultimo lunanan e prijs di combustibel a baha for di mas o menos US$ 100,00 pa US$ 70,00, den mi opinion e rebaho mester ta MINIMO 33%, sin embargo ainda sin conta locual WEB a spaar caba na combustibel cu e instalacionnan nobo, danki na e vision di e gobierno anterior! Esaki lo por haci cu e rebaho lo por bira mas di 33%, na mi opinion hasta despues cu WEB compensa eventual perdida. Gobierno awor kier laga gremionan bin dicidi riba e rebaho; pero, pueblo NO a vota pa gremionan, ni comercial, ni sindical! Pues gremionan mester keda leu di discuti e rebaho aki cu gobierno. P’esey tambe por escrito mi a haci un apelacion riba sindicalistanan, pa nan pone como condicion pa participa na e dialogo social, cu e rebaho lo ta efectivo 1 di juli 2012, y cu minimalmente 33%! Sindicalistanan, wowo di boso miembronan, y di pueblo henter, riba boso!
|
Mustra/Kita e formulario di comentario
