| Minister Otmar Oduber: E yegada di e 16 autobusnan nobo ta simbolisa un era nobo pa Arubus |
 |
 |
| Saturday, 28 July 2012 16:22 | |||
|
Diabierna merdia Minister di Turismo, Transporte y Labor, Otmar Oduber tabata presente na Garage Central unda cu hunto cu Arubus a ricibi yabi di e 16 autobusnan nobo cu a yega Aruba. Den un entrevista cu Minister Oduber, e mandatario a expresa di ta sumamente contento cu e yegada di e 16 autobusnan aki y ta en espera di e 15 busnan grandi cu ta na caminda y cu ta jega Aruba pronto. E proceso pa yega na e autobusnan aki tabata uno largo unda cu pa mas cu dos aña mester a cana un caminda di cruz cu e compania Arubus cu tabata y ta ainda den un situacion dificil, practicamente bancarota cu un flota cu tabata sumamente malgasta. Empleadonan di Arubus tabata wordo enfrenta cu e reto diario di mantene e busnan aki riba caminda, unda cu varios biaha tabata tin 4 of 5 bus para banda di caminda y strobando alumnonan y empleadonan di yega nan destinacion na tempo. Despues di a hereda e situacion sumamente negativo den cual Arubus tabata aden, Minister Oduber a expresa cu e yegada di e 16 autobusnan ta simbolisa un era nobo pa Arubus, unda hunto cu e flota nobo e plan di restaureccion completo a inicia su proceso caminda cu e parti financiero ya a wordo regla. E vision di Minister Oduber tabata pa crea un compania cu ta “self supportive”, unda cu Gobierno no mester keda hinca sumanan aden manera tabata wordo haci anteriormente, cu un flota moderno cu ta duna servicio manera ta wordo demanda pa e pasaheronan, cu busnan cu airco cu ta hiba Arubus na e sigiente nivel pa loke ta trata servicio den transporte publico. Combina cu e servicio di nivel halto, Arubus lo cuminsa duna servicio den barionan caminda cu normalmente autobusnan no tabata yega, unda cu usuarionan mester a cana 10 pa 15 minuut pa yega na un parada di autobus. Den e forma aki modernisando transporte publico y haciendo e mas accesibel pa e por yega mas cerca di diferente hende cu ta haci uso di transporte publico. Minister Oduber cu orguyo a ricibi y haci entrega di e yabinan y expresa di ta sumamente orguyoso di e compania cu ta bayendo den e direccion correcto.
Comentarionan (2)Mustra/Kita comentarionan ...
E intenshon ta hopi hopi bon, pero e eleshon di e vehic*lo mi ta cuestione, pakiko? pasobra ora e jena cu ban bisa 10 pasajero tur e otronan cu lo por tin, lo no tin transporte mas ainda si ta pa rutanan poco comun i di populashon considerabel, e paso lo ta significativamente positivo i mi ta dune un 10 of 10, pero e eleshon di e vehic*lo 5 of 10, e lo por a bin na e minibus di + of - 20 pasajero di Hyundai mes of Toyota. si ta e Marca ta lo cual nan ta busca pa cu economia, ma pensa riba servicio, garantia, parts i confiabilidad. Pa bien na tur e usuarionan di Arubus..
,
July 28, 2012
Duna Comentario y/of Comparti riba Social Medi |
Mustra/Kita e formulario di comentario
