| E Reina Incansabel Joanne Lopes aplaudi y anima pa centenares di mil persona durante Zomercarnaval di Rotterdam |
 |
 |
| Sunday, 29 July 2012 15:08 | |||||||||
|
E beyeza Arubano, Joanne Lopes, a horta curazon di e publico Hulandes diasabra ultimo. E Reina di Zomercarnaval 2012 tabata incansable y anima durante henter e parada cu a pasa den e cayanan di Rotterdam. Despues di a pasa seis ora bailando y saludando un publico di aproximadamente 800.000 hende, e Reina di 22 aña tabata mustra mesun fresco y fit cu na principio di e parada. Tur esaki despues cu e por a drumi un paar di ora so e anochi prome. E diabierna anochi anterior Joanne a efectua e apertura oficial di e Zomercarnaval y su mainta e mester a lanta 7or. E portret grandi di dje cual e mainta ey a dorna e portada di e corant De Telegraaf, tabata meramente e antesala di locual tabata spere na principio di e parada. Un sinfin di camarografonan di NOS, RTL, RTV Rijnmond en TV West, reporteronan y decenas di fotografo a forza nan caminda pa por logra un entrevista y 'e portret' exclusivo cu e beyeza Arubano. Nunca antes den e 28 aña di existencia di Zomercarnaval tabatin un reina asina tanto den e centro di atencion. Joanne a sabi di soporta e acoso di media como sifuera ta algo masha normal pe. Acompaña pa e brassband Arubano/Antiyano 'Unicum Brassband'- e aña aki atrobe ganadornan di e Battle of Drums - Joanne a encabeza e parada colorido di 2 kilometer y mei largo hunto cu su grupo Kingdoms Under The Sun, 38 otro grupo, caroza, gruponan musical y 2.000 participante disfrasa den e cayanan di Rotterdam. ,,Aruba por ta orguyoso di Joanne. E forma profesional y espontaneo cu e ta presenta su mes na e publico, no solamente ta un promocion pa e Zomercarnaval, pero alavez un propaganda inpagabel pa nos dushi isla", segun ministro plenipotenciario Edwin Abath, kende a precensia e parada como huesped di e Burgermeester interino Alexandra van Huffelen for di e balcon di Stadhuis di Rotterdam. E evento publico mas grandi di Hulanda a ser inicia na aña 1984 pa un grupo di Arubano y Antiyano, kendenan tabata sinti falta di e Carnaval di cas.
Comentarionan (1)Mustra/Kita comentarionan ...
Dicon no a pone mas di carnaval, otro reinanan cu tambe ta di Aruba, i grupu. Bai ta carga nos hendenan na curason, Ta tin cu a hanja mas aprecio, stop di apoja un e otronan no paso si no ta tin e otronan of gruponan no tin Carnaval.Pone ken ta esun nan cu bai cu e premionan e no ta den!! ni su grupu. E ta un elogio pe sigur, e merece pero aprecia tur Arubianonan cu ta hasi cu carnaval ta awe grandi na hulanda, sin kita Corsow i otro paisnan.
,
July 30, 2012
Duna Comentario y/of Comparti riba Social Medi |
Mustra/Kita e formulario di comentario
