| Sarah-Quita Offringa ta retene su titulo di campeon na Fuerteventura |
 |
 |
| Sunday, 29 July 2012 16:16 | ||||||
|
Diabierna ultimo el a logra retene su titulo di campeon den "Single Elimination" y riba diadomingo el a retene su otro titulo di campeon den "Double Elimination" den windsurfing. Tres siman pasa Sarah-Quita Offringa a bula for di Hulanda pa Spaña, unda el a cuminsa train pa e campeonato mundial aki. Cu e titulo di e weekend aki, esaki ta bira e di 5 aña consecutivo cu e ta ganando. Ta con pa bisa cu desde aña 2008, Sarah-Quita nunca mas a perde un "heat" den e competencianan cu e ta participa, esta den e categoria di "Freestyle" di hende muher. Sarah-Quita Offringa di 21 aña di edad ta midi 1.82 meter di haltura, ta pisa 72 kilo y ta residenciando na Utrecht desde aña 2010. Ey e ta studiando pa "ciencia y maneho di innovacion". Si tur cos sigui bon, otro aña e lo logra su titulo di "bachelor" y na aña 2014 e lo termina cu su estudio na nivel di "master". E deporte di windsurfing, cu e ta dominando awor na nivel internacional, e ta haci banda di su estudio.
Comentarionan (10)Mustra/Kita comentarionan ...
E Juff aki ta super bon atleta y ta tene nomber di Aruba semper na halto Pabien y Bendicion
,
July 29, 2012
...
Sara-Quita, pa bo sa cu nos aki na Aruba ta HOPI orguyoso di bo y di bo logronan. Sigui competi y sigui tene e nomber di Aruba na halto. Nos ta resa pa bo por sigui gana y domina!
,
July 29, 2012
...
Pabien y Danki pa semper mantene Aruba su nomber den luz positivo....You are the Best..SQ
,
July 29, 2012
...
mi kurpa ta grima di kontento ora mi wak con bo ta logra gana tur e paisnan grandinan ey,hopi pabien .bo tin aruba su nomber halto. good job.
,
July 30, 2012
...
PAKIKO Sara Quita NO ta riba e wall of fame di Paseo Herencia ??????? E mester tin luga siguuuur !!!!!!
,
July 30, 2012
...
Nos sa cu Sara-Quita ta bon den windsurfing y mi ta hanja hopi jammer, cu nan no tin e categoria ei na olympics 2012 na London.. Toch pabien y exito cu bo studia na hulanda
,
July 30, 2012
...
Pabien Pabien Saraquita cu otro hazanja. Nos ta orguyoso di bo prestacion asina PROFESIONALISMO
,
July 30, 2012
Duna Comentario y/of Comparti riba Social Medi |
Mustra/Kita e formulario di comentario
