| Kaso di Asesinato den Sentro di Detenshon i Korekshon |
 |
 |
| Monday, 30 July 2012 11:51 |
 Djaluna 30 yüli 2012, alrededor di 10’or di mainta, a drenta e informashona na Sentral di Polis ku un tiramentu a kaba di tuma lugá den Sentro di Detenshon i Korekshon Kòrsou. E patruya ku a yega na e sitio a bin topa den blòk 4 ku e detenido, Kenroy Patrick Stefania nasé na Kòrsou, 17 mart 1976, drumí abou na suela dilanti di un sèl ku diferente herida di bala na entre otro su garganta i pechu i no tabata duna señal di bida. Dr. Mozes, ku a presentá na e sitio, a konstatá morto di e víktima. Polis durante di e investigashon a konfiská un revòlver kaliber 38 ku tabata bentá banda di e víktima i tambe e kurpa sin bida riba òrdu di fiskal di Ministerio Públiko. E investigashon den e kaso aki ta kontinuá. |
Mustra/Kita e formulario di comentario
