| Autobusnan nobo di Arubus no ta un rivalidad pa autobusnan existente |
 |
 |
| Monday, 30 July 2012 15:03 |
 Recientemente den un entrevista cu Minister di Turismo, Transporte y Labor, Otmar Oduber, e mandatario a papia riba e maneho di e 16 autobusnan di Arubus cu a yega Aruba siman pasa, bisando cu e autobusnan nobo aki no ta causa ningun rivalidad pa e autobusnan existente.
E autobusnan nobo di Arubus lo subsidia 3 liña di bus grandi cu antes tabata core cu hopi tiki pasahero aden y cu tabata trese un desgaste demasiado grandi pa Arubus. Tambe lo habri liñeanan nobo den barionan unda cu na e momentonan aki no tin servicio di tranporte publico y den cual tin nesecidad grandi pa e servicio aki. Manera cu tur otro autobus, e autobusnan aki tambe ta mara na leynan, unda cu ta wordo stipula cu nan no mag di transporta mas cu 11 pasahero na e mesun momento. Minister Oduber a expresa di ta convenci cu e busnan di calidad halto aki lo bay brinda servicio na e nesecidad cu tin riba mercado y aumenta y mehora e servicio di transporte publico na Aruba, cual den e proximo añanan ta wordo premira di aumenta cu 15 pa 20%. Tambe e mandatario a elogia management y directie di Arubus cu a conduci cu enbes di mester a kita 15 empleado for di trabou manera cu inicialmente a wordo papia cu sindicato y empleadonan, awe ningun hende mester a wordo kita for di trabou. E restruccion financiero tambe ta “in place”, unda cu Arubus ta bay cuminsa paga su debenan manera mester ta, contrario na e situacion cu Minister Oduber a hereda na 2009 caminda cu tabatin casi un miyon na debe.
Comentarionan (3)Mustra/Kita comentarionan ...
Chef masha mas a pabien cu e logronan aki. Uno di no a kita hende, dos, di a logra den un situacion delicado toch cumpra 16 van pa eleva y garantisa e servicio di transport publico. Pabien chef, duro.
,
July 30, 2012
...
Den wega di AJEDEREZ no tin BURICO. Tin mas cu 1 MIYON FLORIN di debe, y ya MEDIDANAN a ser tuma pa Minister Tal Otmar, pa laga PUEBLO pasa den CALOR, door di a SUSPENDE e uso di AIRCONDITONING for di e BUSNAN grandi. Ohala cu no, pero TEMPO ta demonstra cu PUEBLO por bai tuma nota cu e rutanan aki ta bai ta un PERDIDA y ta pisa hopi den e presupuesto di ARUBUS, y cu Minister tal Otmar pa falta di un MANEHO DRECHI, ta dicidi pa bai DESPEDI e chauffernan for di ARUBUS toch, manera tabata su desicion caba! Dikon e no ta mira cu tin mas ALTERNATIVANAN mucho mas mihor sin RIESGO pa ningun EMPLEADO?
,
July 31, 2012
Duna Comentario y/of Comparti riba Social Medi |
Mustra/Kita e formulario di comentario
