Den su reaccion e compania BAP, cu tabata involvi den e proyecto corupto y mafioso di racetrack, tambe a “beat around the bush” di henter e issue principal di e discusion esta: DESTAHO PUBLICO!!!  Ningun momento mi a cuestiona e trabownan di BAP, sino mi a cuestiona e modus operandi di tanto gobierno, SOGA y BAP; mi a cuestiona e procedura.

Pues no trata di desvia e atencion riba e issue central (esta destaho publico); sinembargo, ningun di su ponencianan a, of lo ponemi cambia di opinion riba e compania aki, y mi ta para 100% tras di loke mi a bisa anteriormente, y tempo lo bai duna mi razon.
Dicon mi ta bisa asina?
Dicon no ta bisa algo riba e relacion estrecho cu BAP tin cu Calmaquip, cu Birk Hillman, cu Rauol Gutierez of cu Ralf Sanchez?  No ta companianan y personanan cu tabata meti den projectonan corupto pafo di Aruba? No ta e compania y persona tabata involvi cu e projecto di aeropuerto di Aruba cu a costa nos pueblo miyones di florin extra?
No ta mesun Ralf Sanchez y Calmaquip cu a strika cu miyones di florin di e pueblo Arubano, den un projecto corupto di Racetrack?  Si ta un consultant so BAP tabata di e proyecto corupto di Racetrack, dicon riba internet ta poni na
Aruba Motorsport Complex: "The project was carried out by BAP, the same group who worked at Homestead Motorsport Complex". Segun mi "carried out" nifica mas cu ta un simpel consultant!
Ta dicon cada vez e nomber di BAP ta "pop up" ora pone e nombernan aki?? Pa casualidad?
Un di e companianan cu ta hopi amigo di BAP, cu pa casualidad tambe lo a mustra interes pa e proyecto di expansion y renobacion di HOH, tambe tabata involvi den un caso di corupcion na Merca.
Esakinan tambe ta algo infunda y falso?? Of aki nos por papia di un modus operandi mafioso? Ta p’esey mi a pone for di comienzo cu Al Capone, e mafioso mas grandi di historia, a camufla su practicanan mafioso asina bon, cu Husticia Mericano no por a sentenciele pa e actonan mafioso, sino pa fraude cu impuesto. E tipo di practicanan aki ta wordo catalogisa como: " A closed circle"!
Pues aunque bo nomber no ta aparece, esey no necesariamente ta nifica cu bo no ta involvi!
Den e declaracion di e abogado di BAP, cu by the way tambe tabata cobra un balente montante di placa den e epoca cu AVP/OLA tabata na mando na aeropuerto, a bisa dicon mi no a acerca BAP, pa haya informacion riba e compania. Mi no mester acerca e compania pa e informacionnan, ya cu e promenan yama pa dunami contesta riba mi preguntanan, ta e Minister concerni y SOGA, y ainda mi ta wardando riba contesta. Ambos, esta e Minister concerni y SOGA, ta nenga di dunami contestanan riba mi preguntanan, y esaki siendo cu mi a hasi preguntanan varios luna pasa caba. Mi preguntanan ta mas bien riba e hecho cu NO tabata tin destaho publico, y e motibonan pakiko a scohe pa tene un destaho bow man. Y ora tanto Minister como SOGA/AIB, nenga di dunami contesta, pues ta scohe pa NO ta transparente, mi mester bai tras di informacion cu mi ta haya for di tercera persona. Y tanten cu mi no haya e informacionnan cu mi ta desea PRETO RIBA BLANCO, mi no tin ningun motibo di kere loke e abogado di BAP ta trece padilanti den defensa pa su cliente. Y como cu esaki ta puro bla bla na defensa di su cliente, cu no necesariamente mester ta berdad, mi no tin ningun motibo pa hala ni un palabra atras di loke mi a trece caba den publicidad.
 
Kizas BAP lo por contesta  e preguntanan aki pa mi:
* Dicon no a bai un destaho publico manera Corsow ta hasiendo?
* Cua ta e companianan cu a ser acerca pa duna un Expression of Interest  
 (EOI)?
* Dicon no a hasiele uno habri? Dicon a keda den un "Closed Circle"?
* Dicon e prijs di Corsow cu ta 104miyon dolar pa un hospital nobis nobis di
  330 cama, y esun di Aruba ta costa mas, pa menos cama, y NO pa un hospital
  nobis nobis?
* Dicon e prijs pa meter cuadra ta mas o menos 2 biaha mas caro cu esun di
  Corsow?
* Dicon no a sinta na mesa cu companianan cu a acerca SOGA y Infra-Team pa
  participa na un DESTAHO PUBLICO, bisandonan cu nan ta laat? Te hasta un
  candidato cu SI a participa den e destaho publico na Corsow, y pa colmo e
  ta den e ultimo tresnan.
* Dicon ningun di e companianan cu a ser invita pa e destaho bow man, no a
  participa na e destaho publico na Corsow?
* Finalmente: Unda BAP a keda durante 8 anja largo?
 
Mi tin hopi mas pregunta cu mas despues mi lo bai hasi. Y e preguntanan aki tambe por ser contesta pa e INFRA-TEAM, cu ta esunnan cu den nomber di gobierno ta Wheel and Deal y kier bin purba di convencemi cu tur cos ta ok.
Un mensahe cla y raspa pa tanto BAP, Minister Visser, SOGA/AIB y Infra-Team: mi lo no sosega tanten cu mi no saca tur puito for di e macuto aki. Den e dianan aki cartanan lo sali pa instancianan internacional riba e
bagamunderia aki. Mi lo manda un carta pa instancianan Americano hudicial riba e modus operandi di BAP. Pues e carta cu e abogado a manda den nomber di BAP, no a spantami, ni a convencemi.
Hopi lo ta puntra dicon ta insisti pa NO tene destaho publico! Ta kiko tin pa sconde anto? Ta ki miedo tin?  E contesta ta facil! Un destaho publico lo tin como resultado cu e prijs pa e construccion lo ta REAL. Contrario na loke ta sosediendo, e "closed circle" lo manipula cu e prijs pa mantene e prijs exageradamente halto! Pues majan ta nos pueblo lo mester paga pa e prijs artificial aki. Y Infra-Team sa esaki! Soga/AIB sa esaki! Y BAP sa esaki miho cu tur hende! Ta ken ta e master-brain tras di e master-plan aki? Y no lubida cu mas halto e prijs ta, mas BAP lo cobra, corda ta un porcentahe nan ta cobra di e totalidad! Y ta hustamente esaki ta e motibo pa NO bai destaho publico! Ami no por pensa nada otro!
Por favor, no traha smoke-screen pa desvia atencion; tanten cu no tin destaho publico, pa mi e projecto aki ta CORUPTO, y tur esnan envolvi ta co-responsabel y ta hasi nan mes co-culpabel di henter e corupcion miyonario aki.

Comentarionan (8)

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi