Diadomingo atardi Prome Minister Mike Eman a comparti cu e pueblo di Noord un ocasion hopi importante manera tabata e 235 aniversario di existencia di Misa Santa Ana. E iglesia di mas antiguo riba nos isla ta dedica na Santa Ana kende ta patrona di parokia di Noord y Mama di Birgen Maria.

Despues di a realisa un procesion for di Compleho Deportivo Frans Figaroa pa e iglesia cu a conta cu participacion di gruponan uniforma y parokianonan, a ofrece un Santo Sacrificio di Misa den e area pafo di e iglesia. E luga a keda drecha di manera apropia pa ricibi tur e devoto y parokianonan.

Gabinete Mike Eman a duna sosten total na e celebracion aki pa medio di su diferente departamento. Minister di Obranan Publico a percura pa verfmento di e cura, ponemento di stage como tambe baricada pa e atardi aki. Minister di Telecomunicacion a facilita pa asina Tele Aruba a transmiti e procesion y ceremonia en bibo pa henter pueblo.

E actividad riba su mes tabata uno masha bunita dirigi y oficialisa pa Pastoor Santiago Tomasiek y Pastoor Jan Gospodarczyk for di un stage decora masha nechi dor di John Flemming y cu musica y canto di Koor Mixto di Parokia Santa Ana.

Prome Minister Mike Eman a atende e Misa hunto cu su señora sinta banda di President di Parlamento y otro parlamentarionan presente. Den entrevista cu Tele Aruba, nos Prome Minister a expresa su contento cu e ocasion special y a felicita no solamente e parokia di Noord, pero henter e famia Catolico di Aruba.

Comentarionan (3)

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi