| “Despues di hopi promesa, mi a bay chansa cu Mike, y e si a yuda mi” |
 |
 |
| Monday, 30 July 2012 18:34 |
 Despues di hopi tempo pasando den dificultad y hayando promesanan falso, por fin Sr. Buchi Maduro por drumi trankil bou di un bon dak danki na e asistencia ricibi dor di Gabinete Mike Eman y boluntarionan di Plan Bo Bario. Diadomingo ultimo Prome Minister a pasa bishita Sr. Maduro pa mira cu su mesun wowo con bon e trabou a keda. Durante ultimo simannan, un grupo di trahado y boluntario, cu sosten di empresanan priva, a traha pa cambia gran parti di e dak di cas di Sr. Buchi Maduro na Kadushi Largo. E cas ta uno construi hopi aña atras y e dak tabata den un estado deplorabel. Prome Minister a indica cu Gobierno su responsabilidad no ta e propiedad priva, y pesey na prome luga ta percura pa e construccion y mantencion di infrastructura di henter e isla. Pero den mesun rosea el a indica cu no por kita bista pa casonan asina caminda si por duna un man treciendo boluntarionan y donacionnan hunto, por crea resultadonan positivo y drecha bida di famianan. Tin mas ehempelnan asina, na entre otro, Weg Seroe Preto, Palo Marga, etc. E accion aki a bin inmediatamente despues cu Prome Minister y esnan encarga cu Plan Bo Bario a bishita e bario aki, mescos cu ta haciendo den diferente otro districto di e isla. E obhetivo di e bishitanan aki ta pa hunto cu departamentonan di Gobierno atende e necesidadnan di e bario manera recogemento di sushi, cortamento di mata y mondi, pero tambe papia cu e habitantenan y mira con Gobierno pa duna un man. E situacion di Sr. Buchi Maduro a hala atencion di Prome Minister kende a coordina e esfuersonan pa haya e man di obra boluntario, pero tambe e materialnan necesario como donacion for di companianan local. Den cuestion di algun siman, e dak a keda cla y bon traha. “Mi kier a gradici tur pa loke nan a haci pa mi. Awe mi ta contento. Mi a bisa Mike cu prome, ora awa yobe, ta mescos cu den un pool mi tabata. Awo mi ta super contento cu loke Mike a haci pa mi,” Sr. Maduro a bisa cu hopi alegria. Pa Premier Mike Eman, e idea no ta pa keda aki so. Kier yuda mas hende, di un manera mas organisa. El a splica esaki bisando cu “Hopi ta e casonan asina na Aruba. Nos ta kere cu mester bin cu un fundacion di ‘Drecha Cas’ manera anteriormente tabatin. Nos lo propone esaki den Conseho di Minister pa wak si hunto cu sector priva y boluntarionan por yuda hendenan den necesidad, cu no ta den e situacion financiero pa haci esey nan mes.” Comentarionan (7)Mustra/Kita comentarionan ...
Parce cu e SECRETO pa haya PUEBLO haya YUDANSA, ta pa haci un CHANSA cu Mike!
,
July 30, 2012
...
Hahah increibel CN e gobierno ki Ta hci politikeria plssss stoy pp coi kens btw kiko awo e meneer ey tey drumi den veranda ofta ey den e tbt drumi smpr paso Ta dak di veranda so nn a drecha dus stoy pp coi kens y inventa CS pa gara pueblo sigui ganja ns wowo pa ns vota pa boso dms bso Ta gobernando bn malo?!? Y btw e meneer ey no Ta donjo di e cas ey!!!!!
,
July 30, 2012
...
Mike Eman mester cuminsa traha pa Aruba, no pa individualnan. MI NO kier pa mi plaka di belasting wordu usa pa drecha cas di hende. Di unda a sali, bai traha pa mantene bo mesun cas y si bo no por mantene, bende. Mike no a hasi nada pabo ela usa nos plaka pa drecha bo cas. Boso tur ta un set di sinberguenza abusador di pueblo.
,
July 31, 2012
Duna Comentario y/of Comparti riba Social Medi |
Mustra/Kita e formulario di comentario
