| Prome Minister Eman: “Boso oportunidadnan ta bira mas grandi cu e certificado aki den man” |
 |
 |
| Monday, 30 July 2012 19:00 |
 E cuatro hobennan ta Marlon Peterson, Roger Diaz, Shamir Maduro y Michelangelo Kock. E hoben Arion Maduro no por tabata presente pa motibo di a haya un acidente y tabata interna. E lo termina su stage den Kazerne mes. E hobennan a ricibi dos certificado. Un di Security Standard Operations Procedures y di Safety & Security Awareness Program. Awor nan tur ta sigui cu e ultimo trayecto di e proyecto cu ta un curso di Computerkunde na Enseñansa pa Empleo. Ronny Angela a splica riba e dos cursonan cu e hobennan a pasa cu exito. Nan a traha riba siguridad riba tereno di waf durante dos diferente sorto di warda pa e periodo di 4 luna. “Nan mester a custumbra cu e proceduranan hopi estricto cu tin riba tereno di waf. Nan ta aki awe pasobra nan a pasa nan examen cu exito”. Prome Minister Eman ta masha satisfecho con e Formacion Social ta desaroyando su mes. El a conta con algun siman pasa el a bay Kazerne pa e di dos grupo cu a termina su di prome trayecto. Awor e hobennan aki ta siguiendo nan cursonan na Enseñansa pa Empleo. Eman a bisa cu di parti di Hulanda Aruba ta hayando tur cooperacion cu e proyecto exitoso aki. El a dirigi su mes na e hobennan bisando nan cu nan ta hopi avansa caba cu e proyecto. “Boso a logra e di prome y di dos fase caba y bayendo pa di tres. Cu e certificado aki den man boso oportunidadnan den bida y riba mercado laboral ta bira mas grandi. Hopi pabien na cada un di boso y tambe hopi bendicion y exito cu e siguiente paso”. A sigui un brindis chikito organisa pa APA NV pa e hobennan y Prome Minister hunto cu nan coach y hefe di siguridad di APA NV y coordinadora di e proyecto. Un atencion positivo y bon mereci pa e hobennan cu a demostra cu nan por. Comentarionan (5)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
