| Na caminda pa 60 aña di De Trupialen |
 |
 |
| Monday, 30 July 2012 17:07 |
|
Manera tur grupo De Trupialen tambe tabata tin nan tema musical (herkenningslied) e conocido HOOR DE TRUPIALEN ZINGEN: Ken ta corda! Ban canta cu mi: Hoor de Trupialen zingen Luister naar ons vrolijk lied. Zingen over alle dingen, die men zo al hoort en ziet. Luister naar de Trupialen, kun je met ons vrolijk zijn, want we blijven steeds herhalen: zingen maakt het leven fijn. (fluit....) Hoor de Trupialen (fluit.....) Hoor de Trupialen. Pa recompensa e muchanan pa nan tremendo esfuerzo y participacion na tur e repetitiesnan Frere tabata hiba nan riba Diasabra bai pasa dia na lama, na Pova beach. Asina e dia tabata yegando pa nan prome presentacion den publico. Preparacionnan tabata den ful swing. Shon Quita tabata na encargo di e kostuumnan. Kaarchinan di entrada y pamfletanan tabata ser prepara. E muchanan mes tabata pasa cas pa cas ta parti pamflet y bende kaarchi. Y bo sa cuanto e entrada tabata? E prome dia e entrada tabata Fl.s 3.00 y uitvoering pa mucha 0.50. Despues pa e otro presentacionnan nan a baha e prijs pa 1.50. Pues e prome uitvoering tanata diadomingo 10 di Mei 1952 na Sociedad Bolivariana. E di dos dia 13 di Mei cual tabata un uitvoering pa mucha y e di tres tambe tabata un kinderuitvoering dia 20 di Mei. E show tabata yama " Un gran velada". E programma a cuminsa cu Hoor de Trupialen zingen, sigui pa Aruba, mijn vaderland, Jagerslied y Naar luilekkerland. Despues a sigui cu un schets titula : Con nan ta haya un noticia den corant. Despues a sigui De Kikkers. Sigui pa otro schets cortico"Dilanti di Juez" presenta pa H. Rosenstand y A. Quilotte. A sigui Huiswerk, Drop di tosa, Oloshi kens y solo di fluit. Pauze. Y despues di pauze a ser presenta e tremendo Operette "Hans en Grietje" Un conocido sprookje conoci pa tur e muchanan den sala y cu a sinta wak e presentacion cu boca habri. Un Operette cu e personahe nan conoci Hans en Grietje, Heksnan, y kabouters. Corantnan tabata yen cu elogio y bunita palabra pa e tremendo presentacionnan di De Trupialen. Pero presentacionnan no a caba aki, A sigui pa Santa Cruz den Club San Martin dia 31 di Mei. 14 y 17 di Juni den club Santa Cecilia na San Nicolaas. y dia 28 di Juni den e districto di Noord. Asina e muchanan di Trupialen a termina prome cu vakantie cu nan presentacionnan. Nan tabata hopi satisfecho y orguyoso di cual nan a siña den corto tempo: canto, actuacion, pero tambe disciplina y puntualidad. Asina nan a drenta vakantie pa tuma un descanso, y unda cu nan a bai tur hende tabata bisa ata e muchanan di Trupialen. E streanan nobo riba Aruba. Nan tabata sinti nan mes manera artista. y nan a disfruta di un dushi vakantie pa cuminza atrobe despues yen di gana y alegria. Comentarionan (1)Mustra/Kita comentarionan ...
De Trupialen tabata e un Club,Academie,Skol di c*ltura Arubano y aki a sali e bon cantante nan semper.E prome cantante cu a durf sali bai Antillianse Festival cu a causa furor cu su propio cancion Silencio> te ainda tur cantantenan cu a participa e publico cu a considera e cancion aki prome di e gran artista Arubiano aki ta corda e cancion aki cu tabata e prome den Historia di de Trupialen den aña 1969 den Teatro De Veer....Biba De Trupialen y biba Nos c*ltura..felicitation na tur e Trupial nan cu te ainda ta bulando y cantando ....Hoor de trupialen zingen...
,
July 31, 2012
Duna Comentario y/of Comparti riba Social Medi |
Mustra/Kita e formulario di comentario
