| Prome reunion di personal di ALM na Aruba |
 |
 |
| Monday, 30 July 2012 21:26 |
|
E reunion lo ta estilo di pasa ful un mitar dia te cu anochi, riba Palm Island na Aruba, pa cabe cu un sunsette dansant. Esta di 12.30 en andelante despues cu hanja un caluroso bon bini estilo cu nos di ALM so por duna, sigi pa un traimerdia unda por haci uso di tur e actividadnan cu Palm Island ta ofrece nos, conversa y dibirti bouw di animacion di un diskjokey,pa sigi na final cu un atardi, disfrutando di bahada di solo bailando riba tononan di un conocido banda local. Tur esaki na prijs di famia. Un comicion consistiendo di algun ex-personal di cabina di ALM AUA di cual algun a traha como personal di tera tambe,a organisa e reunion e aña aki, caminda nos meta ta bai topa y recorda e dushi tempu di antes. Algo particular pa e reunion aki ta, cu e biaha aki a invita no solamente personal di cabina y ex piloto pero tur,tur persona cu a jega di traha na ALM Aruba . Experencia a demonstra caba cu, na re-encuentro di personaldi ALM, semper tin un toke emocional, caminda nos ta bai bek den pasado. Tin hopi interes di parti di esnan cu a traha como personal di cabina y shedulers di den exterior pa asisti na e reunion aki na nos dushi Aruba. Comicion ta haña bon cooperacion di parti di De Palm Tours,pa nos celebra nos reencuentro riba THE PALM ISLAND, e compañia di aviacion INSEL AIR pa por transporta esnan for di exterior pa un prijs reduci pa Aruba. TROPICANA Aruba Resort & Casino ta ofrece un prijs special durante nan estadia. PAYLESS carrental ta duna su cooperacion cu un prijs reduci pa huur di auto. Nos tin varios cas comercial cu ta dunando nos nan aporte den forma di un donación efectivo,pa tene e gastonan pa e participantenan na e reencuentro mahestral aki mas abouw possibel. Pero tambe den forma di articulo pa doorprize y tambe regalitos como recuerdo. Si tin interes pa duna cualquier donación tuma contacto cu un di e miembronan di nos organización. Ta pidi tur e ex-ALM-ers pa tuma contacto mas pronto cu ta posibel,cu e un di nos pa ricibi mas información. NO perde e reuncuentro aki cu lo ta bai ta algo spectacular,wak pa bo tey!! Fecha: 25 di augustus, 2012
E-mail: auaalmcrew@gmail.com Glenda Hek 7433344 |
Mustra/Kita e formulario di comentario
