| Jemal Le Grand (Aruba) na di 4 lugar den Weganan Olimpico pa cu Natacion 100M |
 |
 |
| Tuesday, 31 July 2012 09:25 | ||||||||||||
|
 Diamars mainta e segundo atleta di Aruba a mira accion durante di e Weganan Olimpico di Londres 2012. E landador Jemal Le Grand a competi den e 100m liber. Mester bisa cu Jemal a inicia su competencia cu un tempo personal di 51.99 seconde. Apoya pa e delegacion di Aruba, Jemal a start den heat number 3 riba lane number 3 hunto cu ocho otro landador.
Jemal a cuminsa su careda bon, caminda na e prome birada di 50m ela marca un tempo di 24.77 seconde, bon pa e momento ey un di cuater lugar. Den e ultimo 50 meter, Jemal a mustra di lo remata bon, dado momento a mustra cu elo yega den e prome tres lugarnan, esaki faltando un 15 meter mas pa bai, pero na final Jemal a yega den un tempo di 51.86, bon pa un di cuater lugar. Remarcabel ta cu Jemal a logra mehora su record personal cu 0.13 sentesimo di seconde. Esaki ta nifica Jemal a cumpli cu su obhetivo pa e Weganan Olimpico, esta mehora su tempo personal. E atleta Jemal Le Grand apenas di 18 aña di edad y ainda e tin dos ciclo olimpico mas pa bai, si tur cos cana segun planificacion na 2016 y 2020,por spera mucho mas di e atleta Jemal Le Grand. Combersa cu Jemal ela bisa nos cu e ta sintie hopi bon mes, e ta contento cu el a logra su meta di drecha su tempo. Pa loke ta e careda, Jemal a conta nos cu tur cos tabata bayendo bon, pero e ultimo 15 meternan su brasanan tabata cansa, casi e no a sinti nan mes, mientras su pianan si tabata fit. Pero e ta super contento cu su tempo logra y cu e tabata un experiencia unico, landa den e Olimpiada di Londres. Un pabien grandi sigur pa Jemal Le Grand.
Comentarionan (6)Mustra/Kita comentarionan ...
Hopi bon Le Grand bo a logra toch...paso bo no tin miedo nos ta orgulloso di bo Pabien..sigi asina bo ta den bon caminda...
,
July 31, 2012
...
Hopi hopi pabien na e muchahomber aki, nr 4 ta un hazanja fenomenal ,sigi asina nos (arubianonan) ta masha orguyoso di bo!
,
July 31, 2012
...
Duna informacion correcto si. Le Grand a sali na di 4 lugar den e Heat cu e'la landra. Twt tin 8 Heat den total di cual e miho 16 tempo nan a sigi pa semi-final. Di 56 landador, su tempo twt e di 40 tempo y no di 4.
In ieder geval hopi contento pe y great cu e por a hiba e bandera di Aruba asina leu.
,
July 31, 2012
Duna Comentario y/of Comparti riba Social Medi |
Mustra/Kita e formulario di comentario
