|
Atleta John Henriquez a ser filma pa e canal di television Olympic Broadcasting Services |
 |
 |
|
Tuesday, 31 July 2012 09:47 |
|
Na vispera di su competencia dia 7 di augustus proximo, e atleta di hisamento di peso John Henriquez tabata tin un encuentro super special cu e canal di television oficial di e Weganan Olimpico di Londres esta Olympic Broadcasting Services (OBS).
For di basta dia tur e tramitenan a ser haci pa asina e canal di television realisa un filmacion combina cu un entrevista cu nos atleta di peso John Henriquez. E entrevista y filmacion a ser realisa den e sala di entrenamento di e Excel Hall unda cu e competencianan Olimpico di peso ta tumando lugar. E reportero Caroline Demopoulos a realisa e entrevista y filmacion. Mester bisa cu e reportero a puntra John preguntanan relaciona cu su carera como atleta di peso, su preparacion pa cu e weganan, e sentimento pa ta formando parti di e Weganan Olimpico di Londres y kiko e ta pa ser un representante di Aruba durante e Weganan Olimpico. Despues tambe e reporter Demopoulos haci algun pregunta na e entrenador di peso, Hugo Themen, relaciona cu John su preparacion. Asina nos ta mira cu un propaganda grandi a ser haci pa Aruba cu e entrevista cu nos atleta John Henriquez.
 |
Mustra/Kita e formulario di comentario
